မြန်မာ့ငလျင် ဘန်ကောက်အထိ လှုပ်ခတ်       မြန်မာနိုင်ငံတောင်ပိုင်း ကမ်းရိုးတန်းအနီးကို ဗဟိုပြု၍ တနင်္လာနေ့ နံနက်ပိုင်းတွင် အင်အားအသင့်အတင့်ရှိ ငလျင်နှစ်ခု လှုပ်ခတ်ခဲ့ပြီး ဘန်ကောက်နှင့် ပြည်နယ်သုံးခုထက်မနည်းတွင် လှုပ်ခတ်မှုဖြစ်ခဲ့ကြောင်း ငလျင်စောင့်ကြည့်ရေးဌာနက သတင်းထုတ်ပြန်ခဲ့သည်။     ပထမငလျင်သည် ရစ်ခ်တာစကေး ၅ ဒဿမ ၃ ရှိပြီး ထိုင်းစံတော်ချိန် နံနက် ၉း၀၅ နာရီတွင် လှုပ်ခတ်ခဲ့သည်ဟု ဌာနက ပြောကြားခဲ့သည်။ ထိုငလျင်သည် ထိုင်းနိုင်ငံ တာ့ခ်ပြည်နယ် မဲဆောက်ခရိုင်၏ အနောက်တောင်ဘက် ၂၄၇ ကီလိုမီတာအကွာရှိ မြန်မာနိုင်ငံတောင်ပိုင်း ကမ်းရိုးတန်းအနီး မြေအောက် ၁၀ ကီလိုမီတာအနက်မှ ဗဟိုပြုလှုပ်ခတ်ခဲ့သည်။       ဒုတိယမြောက်ငလျင်သည် ပြင်းအား ၃ ဒဿမ ၂ ပမာဏရှိပြီး ထိုင်းစံတော်ချိန် နံနက် ၉း၁၈ နာရီတွင် မြန်မာနိုင်ငံတောင်ပိုင်း ကမ်းရိုးတန်းအနီးတွင်ပင် ၁၀ ကီလိုမီတာအနက်မှ လှုပ်ခတ်ခဲ့သည်။     ဘန်ကောက်၊ ချင်းမိုင်၊ လမ်ဖန်းနှင့် နွန်ထာဘူရီမှ လူများသည် ငလျင်လှုပ်ခတ်မှုများကို ခံစားခဲ့ရပြီး ခဏတာပျို့အန်ခြင်းဝေဒနာခံစားခဲ့ရကြောင်းကို ဌာနသို့ သတင်းပို့မှု ၄၀ ခန့်ရှိခဲ့သည်။ ၎င်းတို့အများစုသည် ဘန်ကောက်ရှိ အဆောက်အအုံများတွင် ရှိနေကြသူများဖြစ်သည်။      ငလျင်များသည် အဒ္ဒမန်ပင်လယ်ရှိ စစ်ကိုင်းပြတ်ရွေ့၏ ရွေ့လျားမှုကြောင့်ဖြစ်ရကြောင်း ယူဆခဲ့သည်။      ဘန်ကောက်ရှိ အထပ်မြင့်အဆောက်အအုံများတွင် လူများဘေးလွတ်ရာ ရွှေ့ပြောင်းခဲ့ရသည်။      လက်ရှိတွင် ငလျင်ကြောင့် ပျ-က်စီးဆုံးရှုံးမှုသတင်းများ မရရှိကြောင်း ဌာနက ပြောကြားခဲ့သည်။