ခရီးသွားပြည်သူများ ပိုမိုအဆင်ပြေစေရန် မြန်မာ့မီးရထား၏ Online Railways Ticketing and Payment (ORPT) စနစ်မှ ရထားလက်မှတ် ကြိုတင်ဝယ်ယူနိုင်သည့် ဝန်ဆောင်မှုများကို ထပ်မံတိုးချဲ့လိုက်ကြောင်း သိရသည်။
ယခင်က ကြားဘူတာခရီးစဉ်များအတွက် ရထားလက်မှတ်များကို (၃) ရက်သာ ကြိုတင်ဝယ်ယူနိုင်ခဲ့သော်လည်း ၂၀၂၆ ခုနှစ် မေ ၁၃ ရက် နံနက် ၀၀:၀၀ နာရီမှစတင်၍ (၅) ရက်ကြိုတင် ဝယ်ယူနိုင်ပြီဖြစ်ကြောင်း ထုတ်ပြန်ထားသည်။
ယင်းကဲ့သို့ တိုးချဲ့လိုက်ခြင်းကြောင့် ခရီးသွားပြည်သူများအနေဖြင့် လက်မှတ်ရရှိမှု ပိုမိုလွယ်ကူလာမည်ဖြစ်ပြီး ခရီးစဉ်များကိုလည်း ပိုမိုစနစ်တကျ စီစဉ်နိုင်မည်ဖြစ်ကြောင်း သိရသည်။
ထို့ပြင် ရန်ကုန်–မန္တလေး–ရန်ကုန် ခရီးစဉ်တွင် ပြေးဆွဲလျက်ရှိသည့် အမှတ် (၃) အဆန်၊ အမှတ် (၅) အဆန်၊ အမှတ် (၄) အစုန်နှင့် အမှတ် (၆) အစုန် DEMU လူစီးအမြန်ရထားများကို နေပြည်တော်ဘူတာမှ စတင်စီးနင်းမည့် ခရီးသည်များအနေဖြင့်လည်း ရထားလက်မှတ်များကို (၇) ရက်ကြိုတင် ဝယ်ယူနိုင်မည်ဖြစ်ကြောင်း သိရသည်။
မြန်မာ့မီးရထားနှင့် ORPT စနစ်အနေဖြင့် ခရီးသွားပြည်သူများ ခရီးစဉ်များကို လွယ်ကူအဆင်ပြေစွာ စီစဉ်နိုင်ရေးအတွက် ဝန်ဆောင်မှုများကို ဆက်လက်တိုးချဲ့ဆောင်ရွက်ပေးလျက်ရှိကြောင်းလည်း အသိပေးထားသည်။