ရှပ်နီများကထောင်အပြင်တွင်စခန်းချကာ သက်ဆင်ကို စောင့်ကြို

ရှပ်နီလှုပ်ရှားမှုနှင့် ဆက်စပ်နေသော ထောက်ခံသူများသည် တနင်္ဂနွေနေ့တွင် Klong Prem ဗဟိုအကျဉ်းထောင်အပြင်ဘက်တွင် စုဝေးခဲ့ကြပြီး Ngam Wong Wan လမ်းတလျှောက်တွင် စခန်းချခဲ့ကြကာ တနင်္လာနေ့တွင် လွတ်ငြိမ်းခွင့်ဖြင့် လွတ်မြောက်လာမည့် ဝန်ကြီးချုပ်ဟောင်း သက်ဆင်ရှင်နာဝပ်ကို စောင့်ကြိုခဲ့ကြသည်။

တနင်္ဂနွေနေ့တွင် ပြည်နယ်အများအပြားမှ အဖွဲ့များရောက်ရှိလာခဲ့ပြီး အချို့သည် တစ်ညလုံးစောင့်ဆိုင်းရန်အတွက် တဲထိုး၊ ဖျာခင်းခဲ့ကာ အချို့မှာအစားအသောက်၊ အဖျော်ယမကာ၊ အဝတ်အစားနှင့် အမှတ်တရပစ္စည်းများရောင်းချသည့် ဆိုင်များဖွင့်ကြသည်။

ထောင်ပတ်လည်တွင် လုံခြုံရေးကို တင်းကျပ်ထားပြီး တနင်္ဂနွေနေ့မှ တနင်္လာနေ့မွန်းတည့်အထိ ငြိမ်ဝပ်ပိပြားမှုကို ထိန်းသိမ်းရန် မြို့တော်ရဲတပ်ဖွဲ့က လူစုလူဝေးထိန်းချုပ်မှု အရာရှိ ၅၀ ကျော်ကို ဖြန့်ကျက်နေရာချထားခဲ့သည်။ ၎င်းတို့သည် အလှည့်ကျ လုပ်ဆောင်နေကြောင်း Thai PBS သတင်းဌာနက ဖော်ပြခဲ့သည်။

အကျဉ်းဦးစီးဌာနသည်လည်း ထိုနေရာသို့ အရာရှိ ၅၀ ကျော်ကို တာဝန်ချထားကာ ထောက်ခံသူများနှင့် ညှိနှိုင်းဆောင်ရွက်လျက်ရှိပြီး ၎င်းတို့၏ ဘေးကင်းလုံခြုံရေးအတွက် ထောင်ဝင်းနှင့် ဝေးဝေးတွင်နေစေရန် ဆောင်ရွက်ခဲ့သည်။

ထောင်ဝင်းအတွင်းတွင် ဝင်ပေါက်ရှိ အလံတိုင်စက်ဝိုင်းအနီးတွင် သတ္ထု့အတားအဆီးများ ချထားပြီး သတင်းထောက်များနှင့် ပြည်သူလူထုအတွက် တနင်္လာနေ့ ဖြစ်ပေါ်တိုးတက်မှုများကို စောင့်ကြည့်ရန် နေရာစီစဉ်ပေးထားသည်။

အသက် ၇၆ နှစ်အရွယ် သက်ဆင်သည် အထွေထွေလွတ်ငြိမ်းခွင့် စံနှုန်းများအရ စောစီးစွာလွတ်မြောက်ခွင့်ခံစားခဲ့ရပြီး မေလ ၁၁ ရက်နေ့တွင် လွတ်ငြိမ်းခွင့်ဖြင့် လွှတ်ပေးရန် စီစဉ်ထားခြင်းဖြစ်သည်။

Ref: ဘန်ကောက်ပို့စ်