ဟန်တာဗိုင်းရပ်စ်ကကူးစက်မှုနည်း–ဒဗ္ဗလျူအိတ်ခ်ျအို

MV Hondius အပျော်စီးသင်္ဘောပေါ်တွင် ဟန်တာဗိုင်းရပ်စ် ကူးစက်မှုဖြစ်ပွားပြီးနောက် ကမ္ဘာတစ်ဝန်းရှိ နိုင်ငံများသည် ဗိုင်းရပ်စ်က ထပ်မံမပြန့်ပွားစေရန် ကြာသပတေးနေ့တွင် အရှိန်အဟုန်မြှင့် လုပ်ဆောင်လျက်ရှိသည်။ အာဏာပိုင်များသည် ရောဂါပိုးမတွေ့ရှိမီ သင်္ဘောပေါ်မှ ဆင်းသွားခဲ့သည့် ခရီးသည်များနှင့် ၎င်းတို့နှင့် အနီးကပ်ထိတွေ့ခဲ့သူများကို လိုက်လံစုံစမ်းလျက်ရှိသည်။ MV Hondius သင်္ဘောပေါ်တွင် ဖြစ်ပွားခဲ့သော ကူးစက်မှုကြောင့် ဒတ်ခ်ျဇနီးမောင်နှံနှစ်ဦးနှင့် ဂျာမနီနိုင်ငံသားတစ်ဦး စုစုပေါင်း ၃ ဦး သေဆုံးခဲ့သည်။ ကမ္ဘာ့ကျန်းမာရေးအဖွဲ့ (ဒဗ္ဗလျူအိတ်ခ်ျအို) ၏ သတင်းထုတ်ပြန်ချက်အရ လက်ရှိတွင် အတည်ပြုလူနာ ၅ ဦးရှိပြီး သံသယလူနာ ၃ ဦး ရှိကြောင်း သိရသည်။

MV Hondius သင်္ဘောပေါ်မှ နောက်ထပ်ဖျားနာနေသော ခရီးသည်တစ်ဦးသည် ဥရောပသို့ ရောက်ရှိလာခဲ့ပြီး သင်္ဘောသည် စပိန်ကျွန်းတစ်ခုသို့ ဦးတည်ခုတ်မောင်းနေစဉ် ကျန်းမာရေးတာဝန်ရှိသူများက လူအချင်းချင်း ကူးစက်နိုင်သည့် အန္တရာယ်ရှိသော ဤဗိုင်းရပ်စ်မျိုးစိတ် ပြန့်နှံ့မှုကို မြေပုံဖော်ထုတ်ရန် ကြိုးပမ်းနေကြသည်။ သင်္ဘောပေါ်တွင် လူ ၃ ဦး ‌ေ-သဆုံးမှုကြောင့် နိုင်ငံတကာတွင် စိုးရိမ်မှုများ မြင့်တက်ခဲ့သော်လည်း ကျန်းမာရေးတာဝန်ရှိသူများကမူ ဤဗိုင်းရပ်စ်သည် ကိုဗစ်-၁၉ ထက် ကူးစက်မှုနှုန်း နည်းပါးသဖြင့် တစ်ကမ္ဘာလုံးအတိုင်းအတာဖြင့် ကူးစက်မည်ကို စိုးရိမ်ရန်မလိုကြောင်း ပြောကြားထားသည်။ ဒဗ္ဗလျူအိတ်ချ်အို အကြီးအကဲ တက်ဒရိုစ် အက်ဒါနမ် ဂေဘရီယေဆုစ် က အန်ဒီစ်ဗိုင်းရပ်စ် (Andes virus) ၏ ရောဂါပျိုးချိန်မှာ ၆ ပတ်အထိ ကြာမြင့်နိုင်သဖြင့် အတည်ပြုလူနာများ ထပ်မံထွက်ပေါ်လာနိုင်ကြောင်း ဂျီနီဗာတွင် သတင်းထောက်များကို ပြောကြားခဲ့သည်။

ဟန်တာဗိုင်းရပ်စ်သည် ကြွက်များမှတစ်ဆင့် ပြန့်ပွားသော ရှားပါးအသက်ရှူလမ်းကြောင်းဆိုင်ရာ ရောဂါဖြစ်ပြီး အသက်ရှူရခက်ခဲခြင်း၊ နှလုံးပိုင်းဆိုင်ရာ ဝေဒနာများနှင့် သွေးယိုဖိတ်သော အဖျားရောဂါများကို ဖြစ်စေနိုင်သည်။ ဤရောဂါအတွက် ကာကွယ်ဆေးနှင့် ကုသဆေး မရှိသေးဘဲ ရောဂါလက္ခဏာ သက်သာစေရန်သာ ကုသပေးနိုင်ပါသည်။ ခရီးသည်တစ်ဦးသည် အာဂျင်တီးနားနိုင်ငံမှ သင်္ဘောပေါ်မတက်မီ ဗိုင်းရပ်စ်ကူးစက်ခံခဲ့ရပြီး အတ္တလန္တိတ်သမုဒ္ဒရာကို ဖြတ်သန်းစဉ်အတွင်း အခြားသူများကို ကူးစက်စေခဲ့သည်ဟု ယူဆရသည်။ အာဂျင်တီးနား တာဝန်ရှိသူများက သင်္ဘောစတင်ထွက်ခွာခဲ့သည့် Ushuaia ကမ်းခြေမြို့ရှိ ကြွက်များကို စစ်ဆေးရန် စီစဉ်လျက်ရှိသည်။

ပထမဆုံး‌ေ-သဆုံးသူ ဒတ်ခ်ျအမျိုးသားသည် ဧပြီလ ၁၁ ရက် နေ့တွင် သင်္ဘောပေါ်၌ ‌ေ-သဆုံးခဲ့ခြင်းဖြစ်ပြီး ၎င်း၏ဇနီးမှာလည်း ခင်ပွန်းဖြစ်သူ၏ရုပ်အလောင်းကို တောင်အာဖရိကသို့ လိုက်ပါပို့ဆောင်စဉ် ဖျားနာကာ ၁၅ ရက်အကြာတွင် ထပ်မံ‌ေ-သဆုံးခဲ့သည်။ အဆိုပါအမျိုးသမီးသည် ရောဂါလက္ခဏာပြနေစဉ်အတွင်း စိန့်ဟယ်လီနာကျွန်းမှ ဂျိုဟန်နက်စ်ဘာ့ဂ်မြို့သို့ လေယာဉ်ဖြင့် သွားရောက်ခဲ့သဖြင့် အာဏာပိုင်များသည် အဆိုပါလေယာဉ်ပေါ်ပါ ခရီးသည် ၈၂ ဦးနှင့် လေယာဉ်အဖွဲ့သား ၆ ဦးကို လိုက်လံရှာဖွေနေကြသည်။ လက်ရှိတွင် ဗိုင်းရပ်စ်ကူးစက်ခံရသူများကို ဗြိတိန်၊ ဂျာမနီ၊ နယ်သာလန်၊ ဆွစ်ဇာလန်နှင့် တောင်အာဖရိကနိုင်ငံတို့တွင် သီးခြားခွဲထား၍ ကုသမှုပေးလျက်ရှိသော်လည်း ဤသည်မှာ ကိုဗစ်ကဲ့သို့ ကမ္ဘာ့ကပ်ရောဂါအသွင်သို့ ရောက်ရှိမည်မဟုတ်ကြောင်း ဒဗ္ဗလျူအိတ်ခ်ျအို တာဝန်ရှိသူများက အလေးပေးပြောကြားခဲ့သည်။

Ref: ဖရွန်စ်ဗန့်ကတ်