အပိုင်း(၃)ပိုင်းခွဲ၍ကျင်းပခဲ့သော ရွေးကောက်ပွဲတွင်အသုံးပြုခဲ့သည့် မြန်မာအီလက်ထရောနစ်မဲပေးစက် (MEVM)များအား သေချာစွာထိန်းသိမ်းထားသိုပြီး ခြောက်လတစ်ကြိမ်ပုံမှန်စစ်ဆေးလျက်ရှိကြောင်း သိရသည်။
အဆိုပါ MEVM မဲပေးစက်များအနက် နေပြည်တော်ရှိ မြို့နယ်(၈)မြို့နယ်၌အသုံးပြုခဲ့သည့် စက်များထိန်း သိမ်းထားရှိမှုနှင့် ခြောက်လတစ်ကြိမ်စစ်ဆေးနေမှုတို့ကို ပြည်ထောင်စုရွေးကောက်ပွဲကော်မရှင်(UEC)ဥက္ကဋ္ဌ ဦးသန်းစိုးက မေ ၄ ရက်တွင်ကြည့်ရှုစစ်ဆေးခဲ့ကြောင်း သိရသည်။
မဲပေးစက်များသည် ကြီးကြပ်ကန့်သတ်ပစ္စည်းများဖြစ် ၍ ထိခိုက်ပျက်စီးမှုမရှိစေရေးအတွက် အီလက်ထရောနစ်မဲပေးစက်စစ်ဆေးထိန်းသိမ်းခြင်းဆိုင်ရာလုပ်ငန်းလမ်းညွှန်ချက်များဖြစ်သော အီလက်ထရောနစ်မဲပေးစက်များစစ်ဆေးခြင်း၊ အီလက်ထရောနစ်မဲပေးစက်များထားသိုခြင်း၊ ဘက်ထရီများထားသိုခြင်း၊ လုံခြုံရေးအစီအမံများစစ်ဆေးပြီးစီးမှုတို့ကို ကော်မရှင်သို့ တင်ပြရန်၊ စနစ်တကျထားသိုထိန်းသိမ်းရန်နှင့် ခြောက်လတစ်ကြိမ်ပုံမှန်စစ်ဆေးရန်တို့ကို UEC ဥက္ကဋ္ဌကမှာကြားခဲ့ကြောင်း သိရသည်။
သက်ဆိုင်ရာ ရွေးကောက်ပွဲကော်မရှင်အဖွဲ့ခွဲများမှ တာ ဝန်ရှိသူများ၊ ကျွမ်းကျင်နည်းပညာရှင်များက MEVM စက်များက်ု စစ်ဆေးခြင်း၊ စစ်ဆေးတွေ့ရှိမှုများ၊ ပြင်ဆင်ခြင်းများကိုပြုလုပ်ခဲ့ကြကြောင်း သိရသည်။
