ဆဋ္ဌသင်္ဂါယနာတင်အောင်ပွဲနှစ်(၇၀)ပြည့် အထိမ်းအ မှတ်မင်္ဂလာအခမ်းအနားကို ယနေ့ ဧပြီ ၃၀ ရက်နံနက်ပိုင်းက ရန်ကုန်တိုင်း၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသဏလှိုဏ်ဂူသိမ်တော်ကြီး၌ကျင်းပရာ နိုင်ငံတော်သံဃမဟာနာယက ဥက္ကဋ္ဌ သန်လျင်မင်းကျောင်းဆရာတော်ကြီးနှင့် နိုင်ငံတော်သြဝါဒါစရိယ သီတဂူဆရာတော်ကြီးတို့အမှူးပြုသည့် ပြည်တွင်း၊ ပြည်ပမှ ဆရာတော်ကြီးများကြွရောက်တော်မူခဲ့ကြသည်။
နိုင်ငံတော်သမ္မတ ဦးမင်းအောင်လှိုင်နှင့် ဇနီး၊ ပြည်သူ့ လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ တပ်မ တော်ကာကွယ်ရေးဦးစီးချုပ်၊ တာဝန်ရှိသူများနှင့် မြန် မာနိုင်ငံဆိုင်ရာ သံအမတ်ကြီးများတက်ရောက်ကြည် ညိုခဲ့ကြပြီး ပိဋကတ်(၃)ပုံကို မင်္ဂလာဆင်ဖြူတော်ဖြင့်ပင့်ဆောင်ပြီး ဒေဝါဝင်း၊ ရာဇာဝင်းခင်း၍ လှိုဏ်ဂူတော်အားလှည့်လည်ပူဇော်ခဲ့ကြသည်။
ထို့ပြင် နိုင်ငံတော်သမ္မတက ဆဋ္ဌသင်္ဂါယနာတင်အောင် ပွဲနှစ်(၇၀)ပြည့် အထိမ်းအမှတ်အဖြစ် ပါဋ္ဌိ၊ မြန်မာ၊ ရိုမန်၊ အင်္ဂလိပ် (၄)ဘာသာဖြင့်ရေးထိုးထားသော မင်္ဂလာမော်ကွန်းကျောက်စာတိုင်ကို စက်ခလုပ်နှိပ်ဖွင့်လှစ်ပေးပြီးနောက် မင်္ဂလာဆင်ဖြူတော်ဖြင့်ပင့်ဆောင်လာသော ပိဋိကတ်(၃)ပုံကို လှိုဏ်ဂူတော်အတွင်းသို့ သာသနာရေးဝန်ကြီးဌာန ပြည်ထောင်စုဝန်ကြီးက ပင့်ဆောင်ပူဇော်တော်မူခဲ့သည်။
ထို့နောက် သန်လျင်မင်းကျောင်းဆရာတော်ကြီးက ဆဋ္ဌသင်္ဂါယနာတင်အောင်ပွဲနှစ်(၇၀)ပြည့် အထိမ်းအမှတ် ဆီမီးထွန်းညှိပူဇော်ပြီးနောက် နိုင်ငံတော်သမ္မတနှင့် ဇနီးတက်ရောက်လာကြသူများက ဆရာတော်ကြီးထံမှ ကိုးပါးသီလခံယူဆောက်တည်ပြီး ဆရာတော်၊ သံဃာ တော်များက မေတ္တသုတ်ပရိတ်တရားတော်များကို ရွတ်ပွားသရဇ္ဇုယ်တော်မူခဲ့ကြကာ သန်လျင်မင်းကျောင်းဆ ရာတော်ကြီးနှင့် သီတဂူဆရာတော်ကြီးတို့၏ မွက်ကြားချီးမြှင့်တော်မူကြခြင်းကို နာယူတော်မူခဲ့ကြသည်။
ထို့ပြင် ရေစကြိုဆရာတော်နှင့် ကျောက်ပန်းတောင်းဆ ရာတော်တို့က ဝိနယပိဋကတ်တော်တို့ကို သင်္ဂါယနာအ မေးအဖြေပြုဆောင်ရွက်တော်မူပြီး သံဃာတော်(၁၅) ပါးက ဝိနယပိဋိကတ်တော်တို့ကို စုပေါင်းရွတ်ဆိုပြီးနောက် နိုင်ငံတော်သမ္မတက သာသနာရေးဆိုင်ရာများကိုလျှောက်ထားကာ မစိုးရိမ်တိုက်သစ်ဆရာတော်၊ မ ဟာဂန္တာရုံကျောင်းတိုက်ဆရာတော်နှင့် သီရိလင်္ကာနိုင်ငံမှဆရာတော်တို့က သဝဏ်လွှာများကိုဖတ်ကြားတော်မူပြီးနောက် နိုင်ငံတော်သမ္မတနှင့် ဇနီး၊ တက်ရောက်လာကြသူများက ဆရာတော်၊ သံဃာတော်များအား လှူဖွယ် ဝတ္ထုပစ္စည်းများကိုဆက်ကပ်လှူဒါန်း၍ အနုမောဒနာတ ရားနာယူပြီး လှူဒါန်းမှုအစုစုအတွက် ရေစက်သွန်းချအ မျှပေးဝေခဲ့ကြသည်။
ထို့နောက် ဆဋ္ဌသင်္ဂါယနာတင်အောင်ပွဲနှစ်(၇၀)ပြည့် အထိမ်းအမှတ်အဖြစ် အထူးပြပွဲ၊ ဓာတ်ပုံပြပွဲဖွင့်ပွဲကိုကျင်းပရာ နိုင်ငံတော်သမ္မတက ဓာတ်ပုံပြခန်းကို စက်ခလုပ်နှိပ်ဖွင့်လှစ်ပေးပြီး ပြခန်းအတွင်း၌ပြသထားမှုများကို ကြည့်ရှုခဲ့ကြသည်။
