ဟောမုဇ်ရေလက်ကြားကို နှစ်ရှည်လများ ပိတ်ဆို့သောကြောင့် လမ်းကြောင်းပြတ်တောက်သွားပါက ကမ္ဘာတစ်ဝန်း စားနပ်ရိက္ခာ ကပ်ဘေး ဖြစ်ပေါ်လာနိုင်သဖြင့် စားနပ် ရိက္ခာနှင့် စိုက်ပျိုးရေးအဖွဲ့ (အက်ဖ်အေအို) က အီရန်နှင့်အမေရိက-အစ္စရေးစစ်ပွဲကြောင့် အရေးပါသော စိုက်ပျိုးရေး သုံးပစ္စည်း များ တင်ပို့မှု ပိတ်ဆို့နေဆဲဖြစ်ကြောင်း သတိပေးထားသည်။
ယခုရှိ နေသေးသော ကုန် လက်ကျန်များသည် စစ်ပွဲ၏ ဂယက်ကို ခံနိုင်ရည် ရှိသောကြောင့် အစားအသောက်စျေးနှုန်းများသည် မြင့်တက်ခြင်းမရှိသေးကြောင်း အက်ဖ်အေအို ဘောဂဗေဒပညာရှင် Maximo Torero က အက်ဖ်အေအို စိုက်ပျိုးရေးစားနပ်ရိက္ခာစီးပွားရေးဌာနခွဲ ဒါရိုက်တာ David Laborde နှင့် တနင်္လာနေ့က တွေ့ဆုံမေးမြန်းခန်းတွင် ပြောကြားခဲ့သည်။
သို့သော် ရေလက်ကြားကိုဖြတ်၍ သွားလာမှုကို ပြန်လည်စတင် ခြင်းမရှိပါက စွမ်းအင်နှင့် ဓာတ်မြေသြဇာဈေးကွက်များ၏ ရိုက်ခတ်မှု ကြောင့် ယခုနှစ်နှောင်းပိုင်းနှင့် 2027 ခုနှစ်များတွင် ကုန်ပစ္စည်းစျေးနှုန်းများနှင့် လက်လီစျေးနှုန်းများ တက်သွားမည်ဖြစ်ကြောင်း Laborde က ပြောကြားခဲ့သည်။
အဓိက စိုက်ပျိုးရေးသွင်းအားစု၏ 20 မှ 45 ရာခိုင်နှုန်းသည် ဟောမုဇ် ရေလက်ကြားကိုဖြတ်၍ ပင်လယ်လမ်းကြောင်း ပေါ်တွင် မှီခိုနေရသည်ဟု အက်ဖ်အေအို ကပြောသည်။
“ကျွန်ုပ်တို့သည် သွင်းအားစုအကျပ်အတည်းတစ်ခုတွင် ရှိနေသည်၊ ၎င်း အကျပ်အတည်း မှ ကပ်ဆိုက်သည့် အဖြစ်သို့ မရောက်လိုပါ” ဟု Laborde က ပြောကြားခဲ့သည်။ “ကပ်ဆိုက်တဲ့ အခြေအနေ မရောက်ဖို့က ကျွန်တော်တို့ လုပ်ဆောင်မှုတွေပေါ်မှာ မူတည်ပါတယ်”။
Ref အယ်လ်ဂျာဇီးယား