ပုသိမ်မြို့ အောင်ဧရာစျေးနှင့်မြို့သစ်စျေးအတွင်း “Ending Plastic Pollution “လှုပ်ရှားမှုအဖြစ် recycle bag များ ဝေငှပေးခဲ့

မြန်မာ-အိန္ဒိယနှစ်နိုင်ငံကြား ပူးပေါင်းဆောင်ရွက်နိုင်သည့်နယ်ပယ်များကို တတ်နိုင်သည့်ဘက်မှ အင်တိုက် အားတိုက်ပါဝင်ဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က ယနေ့ မေ ၃၀ ရက်တွင် အိန္ဒိယနိုင်ငံဆိုင်ရာ သံရုံး၊ စစ်သံရုံး မိသားစုများ၊ ပညာတော်သင် သင်တန်းသားများအား အိန္ဒိယနိုင်ငံဆိုင်ရာ မြန်မာသံရုံး၌တွေ့ဆုံစဥ် မှာကြားခဲ့ခြင်းဖြစ်သည်။ ပြည်ပနိုင်ငံတွင်ရောက်ရှိနေချိန်အတွင်းရရှိသည့် အားလပ်ချိန်များတွင် အင်္ဂလိပ်စာနှင့် ကွန်ပျူတာနည်းပညာ ပိုင်းဆိုင်ရာများကို တစ်ဦးချင်းလေ့လာရန်လိုအပ်ကာ နောင်တစ်ချိန်တွင် တိုင်းပြည်အတွက်စွမ်းဆောင်နိုင်သူများဖြစ်ရန်မျှော်လင့်သည်ဟု ပြောသည်။ ထို့ပြင် မြန်မာ-အိန္ဒိယနှစ်နိုင်ငံကြား ပူးပေါင်းဆောင်ရွက်နိုင်သည့်နယ်ပယ်များကို တတ်နိုင်သည့်ဘက်မှ အင်တိုက် အားတိုက် ပါဝင်ဆောင်ရွက်စေလိုကာ မြန်မာနိုင်ငံဖွံ့ဖြိုးတိုးတက်ရေးအတွက် အိန္ဒိယနိုင်ငံတွင်တာဝန်ထမ်းဆောင်လျက်ရှိသည့် သံရုံး၊ စစ်သံရုံးမိသားစုများအနေဖြင့် တတ်နိုင်သည့်ဘက်မှဝိုင်းဝန်းဆောင်ရွက်ရန်၊...

အိန္ဒိယနိုင်ငံ၊ နယူးဒေလီမြို့တွင်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် ယနေ့ မေ ၃၁ ရက်က Taj Mahal ဟိုတယ်တွင်ကျင်းပသည့် မြန်မာ- အိန္ဒိယနှစ်နိုင်ငံစီးပွားရေးဆွေးနွေးပွဲကိုတက်ရောက်ခဲ့သည်။ ထိုသို့ တက်ရောက်ပြီးနောက် နိုင်ငံတော်သမ္မတ ဦးမင်းအောင်လှိုင်က မိန့်ခွန်းပြောကြားကာ တက်ရောက်လာသူများမှ မေးခွန်းမေးမြန်းမှုများကို ပြန်လည်ဖြေကြားပြီး မြန်မာ-အိန္ဒိယနှစ်နိုင်ငံစီးပွားရေးဆွေးနွေးပွဲတက်ရောက်သူများနှင့်အတူ နေ့လယ်စာသုံးဆောင်ခဲ့သည်။

ရန်ကုန်တိုင်း၊ သာကေတမြို့နယ်ရှိ ဇိနမာန်အောင်စေတီတော်မြတ်ကြီးကို မေ ၃၀ ရက်နံနက်ပိုင်းက ရတနာစိန်ဖူးတော်၊ ငှက်မြတ်နားတော်တင်လှူပူဇော်ရာ နိုင်ငံတော်သံဃမဟာနာယကဥက္ကဋ္ဌ၊ သန်လျင်မင်းကျောင်းဆရာတော်ကြီးအမှူးပြုသည့် ဆရာတော်၊ သံဃာတော်များကြွရောက်တော်မူခဲ့ကြသည်။ ထို့ပြင် ရန်ကုန်တိုင်းဒေသကြီးလွှတ်တော် ဥက္ကဋ္ဌ ဦးဋ္ဌေးအောင်နှင့် တာဝန်ရှိသူများ၊ အလှူရှင်များတက်ရောက်ကြည်ညိုပြီး ရတနာစိန်ဖူးတော်နှင့် ငှက်မြတ်နားတော်တို့ကို စေတီတော်မြတ်ကြီးအား လက်ယာရစ်ပင့်ဆောင်၍ မင်္ဂလာရထားပျံဖြင့်တင်လှူကာ စေတီတော်အထွတ်တွင် တပ်ဆင်ပူဇော်ခဲ့ကြသည်။ ထို့နောင် သန်လျင်မင်းကျောင်းဆရာတော်ကြီးအမှူးပြုသည့် ဆရာတော်၊ သံဃာတော်များက စေတီတော်မြတ်ကြီးအား ဗုဒ္ဓါဘိသေက အနေကဇာတင်တော်မူခဲ့ကြသည်။ Photo- Ko Aung Myint