ကူဝိတ်အစိုးရက ထုတ်ပြန်ထားသည့် အချက်များကို တိကျစွာ လိုက်နာရန် မြန်မာသံရုံး အသိပေး

ကူဝိတ်အစိုးရက ထုတ်ပြန်ထားသည့် အချက်များကို တိကျစွာ လိုက်နာရန် ကူဝိတ်မြို့ရှိ မြန်မာသံရုံးက အသိပေးထုတ်ပြန်ထားသည်။

ထိုသို့လိုက်နာခြင်းဖြင့် ဥပဒေအရ အရေးယူခံရမှုများမှ ကင်းဝေးစေရန် ရည်ရွယ်သည်ဟုလည်း ဆိုသည်။

အသိပေးချက်တွင် စစ်တပ် (သို့မဟုတ်) လုံခြုံရေးအဆောက်အအုံများ၊ ကန့်သတ်နယ်မြေများ(သို့မဟုတ်) အရေးကြီးသည့်နေရာများ အနီးသို့ မကပ်ရန် အသိပေးသည်။

ထို့ပြင် ဓါတ်ပုံ၊ ဗီဒီယိုရို-က်ကူးခြင်း၊ ရို-က်ကူးထားသည့် ဓါတ်ပုံ ၊ ဗီဒီယိုတို့ကို Facebook, TikTok ၊ အခြားလူမှုကွန်ရက်များပေါ်သို့ တင်ခြင်း၊ တဆင့်ပြန်လည်ဖြန့်ဝေခြင်းများမပြု လုပ်ကြရန်လည်း ပါဝင်သည်။

ထို့ပြင် ဒုံးကျည်ပစ်ခတ်မှုများကို ဗီဒီယိုရို-က်ကူးခြင်း ၊ ကောင်းကင်ယံတွင် ဒုံးကျည်များအား ကြားဖြတ်ဟန့်တားပ-စ်ခ-တ်နေသည့် မြင်ကွင်းများကို ဗီဒီယိုရို-က်ကူးခြင်း (သို့မဟုတ်) ဓာတ်ပုံရို_က်ခြင်း လုံးဝမပြုလုပ်ကြရန်လည်း အသိပေးထား သည်။

ထိုနည်းတူ လုံခြုံရေးဆိုင်ရာတာဝန်ရှိသူများ၏ လုပ်ဆောင်ချက်များကို မရိုက်ကူးရန် ၊ တာဝန်ဝတ္တရားများ ဆောင်ရွက်နေသည့် လုံခြုံရေးတပ်ဖွဲ့ဝင်များနှင့် သက်ဆိုင်ရာ ဌာနဆိုင်ရာများ၏ လှုပ်ရှားမှုများကို ရိုက်ကူးခြင်း (သို့မဟုတ်) ထုတ်လွှင့်ခြင်း မပြုရန်လည်း သတိပေးထားသည်။

ကောလာဟလများကို ဖြန့်ဝေခြင်းသည် လုံခြုံရေးလုပ်ငန်းစဉ်များကို အနှောင့်အယှက်ဖြစ်စေသဖြင့် တရားဝင် သတင်းရင်းမြစ်များမှ ထုတ်ပြန်ချက်များကိုသာ ဖတ်ရှုရန်လည်း အသိပေးသည်။

အရေးပေါ်အခြေအနေများ (သို့မဟုတ် ) မသင်္ကာဖွယ်ရာများတွေ့ရှိပါက Hotline 112 သို့ ဆက်သွယ်ရန်လည်း မြန် မာသံရုံးက သတိပေးထုတ်ပြန်ထားသည်။