အီရန်အစိုးရအပြောင်းအလဲကအကောင်းဆုံးအရာဖြစ်လိမ့်မည်–ထရမ့်ပ်

          
အီရန်အပေါ် စစ်ရေးအရအရေးယူရန်သင့် မသင့် ကို အမေရိကန်အစိုးရက စဉ်းစားနေချိန်တွင် အီရန်နိုင်ငံ၌ အစိုးရပြောင်းလဲခြင်းသည်  အကောင်းဆုံးအရာဖြစ်ကြောင်း သမ္မတ ဒေါ်နယ်ထရမ့်ပ်က သောကြာနေ့တွင် ပြောကြားခဲ့သည်။
          
မြောက်ကာရိုလိုင်းနား Ft.Bragg ရှိ တပ်ဖွဲ့ဝင်များထံ အလည်အပတ်သွားရောက်ခဲ့ပြီး မကြာမီတွင် အရှေ့အလယ်ပိုင်းဒေသသို့ ဒုတိယမြောက်လေယာဉ်တင်သင်္ဘောအုပ်စုကို စေလွှတ်လိုက်ခြင်းကိုသူ အတည်ပြုခဲ့ပြီးနောက်တွင် ထရမ့်ပ်က ထိုသို့ ပြောကြားခဲ့ခြင်းဖြစ်သည်။
           
အီရန်တွင် အစ္စလာမ်မစ်ဘာသာရေးခေါင်းဆောင်များ၏ အုပ်ချုပ်မှုကို ဖြုတ်ချရန် ဖိအား ပေးခြင်းနှင့် ပတ်သက်၍ သတင်းထောက်များနှင့် အပြန်အလှန် အမေးအဖြေလုပ်ခဲ့ရာတွင် “ဒီအချက်က ဖြစ်နိုင်သမျှထဲမှာ အကောင်းဆုံးအရာဖြစ်မယ်လို့ ထင်ပါတယ်” ဟု ထရမ့်ပ် ပြောဆိုခဲ့သည်။ “သူတို့ စကားတွေပြောတယ်၊ ပြောတယ်၊ ပြောတယ်၊ ၄၇ နှစ်လုံးလုံးပဲ” ဟု ၎င်းက ဆိုခဲ့သည်။
           
သမ္မတ မကြာသေးမီရက်သတ္တပတ်များအတွင်း ထင်မြင်ချက်ပေးခဲ့ရာ၌ အီရန်၏ နျူကလီးယားအစီအစဉ်ကို ထပ်မံလျှော့ချသွားရေးသည် သူ၏ အီရန်ဆိုင်ရာ ထိပ်တန်းဦးစားပေးကိစ္စဖြစ်ကြောင်း ဆိုခဲ့သော်လည်း သောကြာနေ့က ထင်မြင်ချက်ပေးခဲ့ရာတွင်မူ အမေရိကအနေဖြင့် အီရန်ဘက်က လိုက်လျောမှုများပေးရန်သာ ရှုမြင်ချက်ရှိတော့သည်ဟု ဆိုခဲ့သည်။
       
ထရမ့်ပ်နှင့် ဆွေးနွေးရန် ယခုအပတ်တွင် ဝါရှင်တန်သို့ သွားရောက်ခဲ့သော အစ္စရေးဝန်ကြီးချုပ် နေတန်ယာဟုသည် မည်သည့်သဘောတူညီချက်တွင်မဆို အီရန်၏ ပဲ့ထိန်းဒုံးကျည်အစီအစဉ်ကို ပျက်ပြယ်စေရန်နှင့် ဟားမတ်စ်နှင့် ဟစ်ဇ်ဘိုလာကဲ့သို့သော လက်ဝေခံအဖွဲ့များကို ဘဏ္ဍာငွေထောက်ပံ့ပေးနေခြင်းအား ရပ်တန့်ရန် အဆင့်များပါဝင်စေရမည်ဟု ဖိအားပေးနေခဲ့သည်။

Ref: အေပီ