အမေရိကနှင့် အိန္ဒိယတို့သည် ကုန်သွယ်မှုသဘောတူညီချက်တစ်ရပ်ကို လက်မှတ်ရေးထိုးခဲ့ပြီး အမေရိကသည် အိန္ဒိယအပေါ် ၎င်း၏ အပြန်အလှန်အကောက်ခွန်ကို ၂၅ ရာခိုင်နှုန်းမှ ၁၈ ရာခိုင်နှုန်းသို့ လျှော့ချမည်ဟု အမေရိကန်သမ္မတ ဒေါ်နယ်ထရမ့်ပ်က တနင်္လာနေ့တွင် ကြေညာခဲ့သည်။
“ဝန်ကြီးချုပ်မိုဒီကို ချစ်ကြည်လေးစားမှုနဲ့ သူ့ရဲ့တောင်းဆိုချက်အရ ချက်ချင်းအကျိုးသက်ေရာက်တဲ့ ကုန်သွယ်ရေးသဘောတူညီချက်တစ်ရပ်ကို ကျွန်တော်တို့ ချက်ချင်းသဘောတူခဲ့ တဲ့အတွက် အမေရိက က အပြန်အလှန်အခွန်နှုန်းထားကို ၂၅% ကနေ ၁၈% လျှော့ချပြီး အမေရိကန်ပြည်ထောင်စုအပေါ် သူတို့ရဲ့အကောက်ခွန်နဲ့ စည်းကြပ်ခွန်မဟုတ်တဲ့ အတားအဆီးတွေကို လျှော့ချဖို့ ဆက်လုပ်သွားမှာပါ” ဟု ထရမ့်ပ် ၏ လူမှုကွန်ရက်တွင် ရေးသားဖော်ပြခဲ့သည်။
“ဝန်ကြီးချုပ်သည် စွမ်းအင်၊ နည်းပညာ၊ စိုက်ပျိုးရေး၊ ကျောက်မီးသွေးနှင့် အခြားထုတ်ကုန်များစွာကို ဒေါ်လာ ဘီလျံ ၅၀၀ ကျော်အပြင် ပိုမိုမြင့်မားသောအဆင့်တွင် ‘အမေရိကန်ထုတ်ပစ္စည်းများဝယ်ရန်’ ကိုလည်း ကတိပြုပါသည်” ဟု ထရမ့်ပ် က ပြောကြားခဲ့သည်။
မိုဒီသည် ရုရှားရေနံဝယ်ယူခြင်းကို ရပ်တန့်ရန်နှင့် အမေရိကန်ထံမှ နောက်ထပ်များစွာဝယ်ယူရန်နှင့် ဗင်နီဇွဲလားထံမှဝယ်ယူရန် သဘောတူခဲ့ကြောင်း ထရမ့်ပ် က ပြောကြားခဲ့သည်။
၂၅ ရာခိုင်နှုန်း “အပြန်အလှန်” အခွန်စည်းကြပ်မှုများအပြင်၊ ထရမ့်ပ်သည် အိန္ဒိယ၏ ရုရှားမှရေနံဝယ်ယူမှုအတွက် ပြစ်ဒဏ်အဖြစ် မနှစ်က နောက်ထပ်အခွန် ၂၅ ရာခိုင်နှုန်းကိုလည်း ချမှတ်ခဲ့သည်။
Ref: ရှင်းဟွာ