ထိုင်းနှစ်သစ်ကူးကာလ၌ ယာဉ်မတော်တဆမှုကြောင့်‌ေ-သဆုံးသူ၂၀၀ ကျော်

ထိုင်းနိုင်ငံတွင် နှစ်သစ်ကူးခရီးသွားရာသီ၏ ပထမငါးရက်အတွင်း ယာဉ်မတော်တဆမှု ၁,၁၈၅ ခု ဖြစ်ပွားခဲ့ပြီး လူ ၂၀၇ ဦး ‌ေ-သဆုံးကာ ၁,၁၄၁ ဦး ဒ-ဏ်ရာရရှိခဲ့ကြောင်း သိရသည်။

ဒီဇင်ဘာလ ၃၀ ရက်နေ့မှ ဇန်နဝါရီလ ၃ ရက်နေ့အထိ ဖြစ်ပွားခဲ့သော ယာဉ်မတော်တဆမှုဆိုင်ရာ ကိန်းဂဏန်းအချက်အလက်များကို ကိုးကားဖော်ပြခဲ့ခြင်းဖြစ်သည်ဟု ပြည်သူ့ကျန်းမာရေးဝန်ကြီး ပတ်ထနာ ပရွမ်ဖတ်က တနင်္ဂနွေနေ့တွင် ပြောကြားခဲ့သည်။

ဖူးခက်ပြည်နယ်သည် ယာဉ်မတော်တဆမှုပေါင်း ၄၇ ခုဖြင့် အများဆုံးဖြစ်ပွားခဲ့ပြီး ဒ-ဏ်ရာရရှိသူတွင်လည်း ၅၁ ဦးဖြင့် အများဆုံးဖြစ်ခဲ့သည်။ ဘန်ကောက်သည်မူ ယာဉ်မတော်တဆမှုကြောင့် ‌ေ-သဆုံးသူအရေအတွက် အများဆုံးဖြစ်ခဲ့ပြီး ၁၈ ဦး ရှိခဲ့သည်။ နိုင်ငံတွင် ပြည်နယ်ပေါင်း ၇၆ ခုရှိသည့်အနက် ပြည်နယ် ၉ ခုတွင်သာ ယာဉ်အန္တရာယ်ကြောင့် အသက်ဆုံးရှုံးမှုမျိုး မကြုံခဲ့ရပေ။

ယာဉ်မတော်တဆမှုဖြစ်ရခြင်း၏ အများဆုံးအကြောင်းရင်းသည် အမြန်နှုန်းလွန်ကဲစွာမောင်းနှင်မှုကြောင့်ဖြစ်ပြီး အားလုံး၏ ၃၃ ရာခိုင်နှုန်းရှိခဲ့ကာ ယာဉ်ကျော်တက်လုမောင်းမှုကြောင့်ဖြစ်ပွါးမှုသည် ၂၂ ရာခိုင်နှုန်းဖြစ်ခဲ့သည်။ ယာဉ်မတော်တဆမှုများတွင် မော်တော်ဆိုင်ကယ်သမားများပါဝင်ပတ်သက်ခဲ့သော မတော်တဆမှုသည် ၇၃ ရာခိုင်နှုန်းအထိ ရှိခဲ့သည်။

နှစ်သစ်ကူး ခရီးသွားသူများသည် တနင်္ဂနွေနေ့တွင် ဘန်ကောက်နှင့် အခြားစီးပွားရေးပြည်နယ်များသို့ စတင်ကာ ပြန်လာနေကြောင်း မစ္စတာ ပတ်ထနာက ပြောကြားခဲ့သည်။

ဒီဇင်ဘာလ ၃၀ ရက်နေ့မှ ဇန်နဝါရီလ ၃ ရက် နေ့အထိ မူးယစ်သောက်စားမောင်းနှင်မှုကြောင့် လူပေါင်း ၂,၉၅၇ ဦး၊ မူးယစ်ဆေးဝါးသုံးစွဲပြီးမောင်းနှင်မှုကြောင့် ၁၆၀ ဦး၊ ပေါ့ဆစွာမောင်းနှင်မှုကြောင့် လေးဦးနှင့် အရှိန်မြှင့်မောင်းနှင်မှုကြောင့် နှစ်ဦးတို့ကိုခြေချုပ်ချခဲ့ကြောင်း အကျဉ်းဦးစီးဌာန ညွှန်ကြားရေးမှူးချုပ် ဖိယာ ရက်ဆာကူလ်က ပြောကြားခဲ့သည်။

Ref: ဘန်ကောက်ပို့စ်