ရန်ကုန်စတော့အိတ်ချိန်းဈေးကွက်တွင် ရှယ်ယာတင်ရောင်းနေသော ကုမ္ပဏီ(၇)ခုခန့်ရှိရာတွင် စွမ်းအင်၊ ဘဏ်၊ ကုန်စည်ပို့ဆောင်ရေး၊ နည်းပညာ ကုမ္ပဏီကြီးများ ပါဝင်ပြီး လယ်ယာနှင့် ပတ်သက်သည့် ကုမ္ပဏီက ယနေ့တွင် စတင်ဝင်ရောက်လာခြင်းဖြစ်သည်။
ယနေ့ဒီဇင်ဘာ ၁၇ ရက် မနက်ပိုင်းက အများပိုင်ကုမ္ပဏီ Good Brothers Co., ltd အောက်ရှိ လယ်ယာဝန်ဆောင်မူများ ဆောင်ရွက်သည့် ကုမ္ပဏီခွဲ
GBS( လယ်ယာစိုက်ပျိုးရေးဝန်ဆောင်မှု အများပိုင် ကုမ္ပဏီလီမိတက်)က ရန်ကုန်စတော့အိတ်ချိန်းရှိ PLB (Pre listing Board) တွင် မှတ်ပုံတင်ခြင်း အခမ်းအနားကျင်းပပြီး ရှယ်ယာများအား သက်သာသောဈေး (၁၀၀၀၀) ဖြင့် စတင်ရောင်းချရာ ချက်ချင်းပင် ဝယ်သူများရှိခဲ့ပြီး ရှယ်ယာဈေး ၂၅၀၀ ကျပ် တက်သွားခဲ့သည်။
နှစ်(၃၀) သက်တမ်းရှိနေသည့် အဆိုပါ GBS (Good Brothers’) အများပိုင် ကုမ္ပဏီတွင် ရှယ်ယာရှင် အယောက်ပေါင်း (၃၀၀) ခန့် ပါဝင်ပြီး အများစုမှာ ကုမ္ပဏီဝန်ထမ်းများဖြစ်ကြသည်။
ဝန်ထမ်းနောင်ရေးအတွက် ပင်စင်သဖွယ် အမြတ်ငွေများထုတ်ပေးရန် ရည်ရွယ်ပြီး ယခုကဲ့သို့ Listed ကုမ္ပဏီ ဖြစ်အောင်လုပ်ခြင်းဖြစ်သည်ဟု တာဝန်ရှိသူတစ်ဦးက ဆိုသည်။