မြန်မာ့တိုင်းရင်းဆေးသမားတော်များ ညီလာခံ ကို နိုင်ငံတော်ဝန်ကြီးချုပ် တက်ရောက်

မျိုးဆက်သစ်များအနေဖြင့် မြန်မာ့တိုင်းရင်းဆေးပညာရပ်ပိုမိုဖွံ့ဖြိုးတိုးတက်အောင်ဆောင်ရွက်သွားရန် တိုက်တွန်း (၂၄)ကြိမ်‌မြောက် မြန်မာ့တိုင်းရင်း ဆေးသမားတော်များ ညီလာခံ နှင့် မြန်မာ့တိုင်းရင်းဆေး ပညာနီးနှောဖလှယ်ပွဲကို ယနေ့ ဒီဇင်ဘာ(၁၆)ရက်နေ့က နေပြည်တော် ၌ ကျင်းပခဲ့ပြီး နိုင်ငံတော်ဝန်ကြီးချုပ်ဦးညိုစော တက်ရောက်ခဲ့ကြောင်း သိရသည်။ ထိုပြင် ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီးမင်းအောင်လှိုင်က မြန်မာ့တိုင်းရင်းဆေးသမားတော်များ ညီလာခံ ကို ပေးပို့သည့် ဂုဏ်ပြုမိန့်ခွန်းကို ဖွင့်လှစ်ပြသခဲ့ကြောင်း သိရသည်။ ထိုနောက် မြန်မာ့တိုင်းရင်းဆေးပညာရှင်များကို အရည်ချင်းပြည့်ဝသူများဖြစ်အောင် အခြေခံကအစ ဒီပလိုမာအဆင့် ဘွဲ့ရအဆင့် တိုင်းရင်းဆေးပညာ မဟာဘွဲ့အဆင့်အထိ လေ့ကျင့်မွေးထုတ်ပေးနေကြောင်း နိုင်ငံတော်ဝန်ကြီးချုပ်က ပြောသည်။ ယခုညီလာခံတွင် တိုင်းရင်းဆေးသမားတော်ကြီးများအနေဖြင့် မျိုးဆက်သစ် လူငယ်များအတွက် ပညာရပ်ဆိုင်ရာများ အတွေ့အကြုံဗဟုသုတများ နှီးနှောဖလှယ်ပေးခြင်း မျိုးဆက်သစ်များကလည်း အနာဂတ်မြန်မာ့တိုင်းရင်းဆေးပညာရပ် ပိုမိုဖွံ့ဖြိုးတိုးတက်အောင်ဆက်လက်ဆောင်ရွက်သွားကြရန် လည်း နိုင်ငံတော်ဝန်ကြီးချုပ်က တိုက်တွန်းပြောကြားခဲ့သည်။ မြန်မာ့တိုင်းရင်းဆေးပညာ မပျောက်ပျက်အောင်နှင့် ဆေးဝါးများကို သုတေသနပြုလုပ်ပြီး ပြည်သူလူထု ယုံကြည်စိတ်ချစွာသုံးစွဲနိုင်စေရန် ဆောင်ရွက်သွားကြမည်ဖြစ်ကြောင်းနှင့် နိုင်ငံတော်အစိုးရကလည်း အလေးထားပံ့ပိုးသွားမည်ဖြစ်ကြောင်းလည်း ဝန်ကြီးချုပ်က ပြောကြားခဲ့ကြောင်း သိရသည်။ အဆိုပါ အခမ်းနားကို နိုင်ငံတော်ဝန်ကြီးချုပ် နှင့်အတူ ပြည်ထောင်စုဝန်ကြီးများ၊ ဒုတိယဝန်ကြီးများ နိုင်ငံခြားသံရုံးမှ သံအမတ်များလည်း တက်ရောက်ခဲ့ကြောင်း သိရသည်။