၂၀၂၅ ခုနှစ် တရုတ်ပုံရိပ်ရုပ်ရှင်သီတင်းပတ်နှင့် တရုတ်-မြန်မာ သံတမန်ဆက်ဆံရေးထူထောင်ခြင်း(၇၅) နှစ်ပြည့် အထိမ်းအမှတ်ရုပ်ရှင်ပွဲတော်ကို နိုဝင်ဘာ ၁၆ ရက်မှ နိုဝင်ဘာ ၁၉ ရက်အထိကျင်းပသွားမည်ဖြစ် ကြောင်း မြန်မာနိုင်ငံဆိုင်ရာ တရုတ်သံရုံးထံမှ သိရသည်။
ထိုသို့ ကျင်းပရာ၌ နေပြည်တော်ရုပ်ရှင်ရုံ(ရန်ကုန်)၌ တရုတ်ရုပ်ရှင်ဇာတ်ကား(၇)ကားကို အခမဲ့ပြသသွားမည်ဖြစ်၍ အမည်စာရင်းပေးသွင်းပြီး လာရောက်ကြည့်ရှုနိုင်ကြောင်း သိရသည်။
နိုဝင်ဘာ ၁၆ ရက်တွင် “မင်္ဂလာပါမေမေ”၊ နိုဝင်ဘာ ၁၇ ရက်တွင် “လကမ္ဘာစွန့်စားခန်း”နှင့်”သူရဲကောင်းရှစ်ရာ”၊ နိုဝင်ဘာ ၁၈ ရက်တွင် “ချစ်သောဇာတိမြေ”နှင့် “စာဆိုတော်နှင့်ကြောင်နက်ရှင်”၊ နိုဝင်ဘာ ၁၉ ရက်တွင် “က န္တာရဓားသမား”နှင့် “အလွဲများနှင့်ဘဝ” ရုပ်ရှင်ဇာတ် ကားများကိုပြသသွားမည်ဖြစ်ကြောင်း သိရသည်။