မဲပေးရွေးချယ်သော ကိုယ်စားလှယ်များသည် အမှန်တ ကယ်တိုင်းပြည်အကျိုးအတွက်ဆောင်ရွက်နိုင်သူများဖြစ်ရန်လိုသည်ဟု မြန်မာနိုင်ငံတော်ယာယီသမ္မတ၊ နိုင် ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ အောက်တိုဘာ ၁၆ ရက်မွန်းလွဲပိုင်းက ပြည်ထောင်စုဝန် ကြီးများ၊ တိုင်း/ပြည်နယ်ဝန်ကြီးချုပ်များအားတွေ့ဆုံအမှာစကားပြောကြာစဥ် ထည့်သွင်းပြောကြားခဲ့ခြင်းဖြစ်သည်။
ရွေးကောက်ပွဲကျင်းပချိန်တွင် မဲစာရင်းများမှန်ကန်မှုရှိစေရန် တိကျမှန်ကန်သည့်မဲစာရင်းများရရှိစေရေးအ တွက် သန်းခေါင်စာရင်းကောက်ယူခဲ့ခြင်းဖြစ်ကာ စာ ရင်းများမှန်ကန်မှုရှိစေရေးမှာအရေးကြီးပြီး မဲရုံတာဝန်ပေးအပ်ရာတွင်လည်း စနစ်တကျဆောင်ရွက်ရမည်ဟု ပြောသည်။
ထို့ကြောင့် ရွေးကောက်ပွဲကော်မရှင်နှင့် တိုင်း/ပြည်နယ်အစိုးရများသည် မှန်မှန်ကန်ကန်ဖြစ်အောင်စိစစ်ဆောင် ရွက်ရမည်ဖြစ်ပြီး မဲပေးရွေးချယ်ရာတွင် ကိုယ်စား လှယ်များသည် ဒို့တာဝန်အရေးသုံးပါးကို အလေးထားစောင့်ထိန်းသူ၊ နိုင်ငံရေးအမြင်၊ လုံခြုံရေးအမြင်၊ စီး ပွားရေးအမြင်၊ အုပ်ချုပ်ရေးအမြင်များရှိသူများ၊ အမှန်တကယ်တိုင်းပြည်အကျိုးအတွက်ဆောင်ရွက်နိုင်သူ များဖြစ်ရန်လိုသည်ဟု ပြောသည်။
ကော်မရှင်ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းမှလည်း မဲဆွယ်ကာလနှင့် ရွေးကောက်ပွဲကျင်းပမည့်အပိုင်းများအလိုက်တာဝန်ရှိသူများအနေဖြင့် လုံခြုံရေးအထူးအ လေးထားဆောင်ရွက်ရန်၊ ရွေးကောက်ပွဲတွင် မဲစာရင်းမှန်ကန်မှုနှင့် ကဏ္ဍစုံအမှားအယွင်းမရှိစေရေးကြပ်မတ် ၍ အထူးအလေးထားဆောင်ရွက်ရန်၊ ဝန်ကြီးဌာနအ လိုက်၊ တိုင်း/ပြည်နယ်အလိုက် မဲစာရင်းမှန်ကန်မှုရှိစေရေးဆောင်ရွက်ရန်တို့ကို ရှင်းလင်းဆွေးနွေးပြောကြားခဲ့သည်။