မြန်မာ့ပန်းချီလောကတွင် ထင်ရှားသည့် ပန်းချီဆရာကြီးတဦးဖြစ်သည့် ဦးလွန်းကြွယ်သည် ယနေ့
(အောက်တိုဘာ ၂) ရက်နေ့ မနက်ပိုင်းတွင် ကွယ်လွန်သွားကြောင်း သိရသည်။
ကွယ်လွန်ချိန်တွင် အသက် (၉၆)နှစ် ရှိပြီဖြစ်သည်။
“လူချစ်လူခင်ပေါများပြီးတပည့်များစွာ…မျိုးဆက်သစ်များစွာ….ပြုစုပျိုးထောင်ပေးခဲ့သူ၊မြန်မာ့ပန်းချီဖွံ့ဖြိုးတိုးတက်ရေးအတွက်အစဉ်အမြဲ အားထုတ်ကြိုးပန်းခဲ့သူ၊ဆရာကြီး ဦးလွန်းကြွယ်ကွယ်လွန်သွားခြင်းအတွက်များစွာ ဝမ်းနည်းရပါတယ်။” ဟု ငါတို့စာပေ တည်ထောင်သူ စာရေးဆရာ မြေမှုန်လွင်က လူမှုကွန်ယက်တွင် မျှဝေထားသည်။
ဆရာကြီးသည် လူချစ်လူခင်ပေါများကာ တပည့်များစွာ၊ မျိုးဆက်သစ်များစွာကို ပြုစုပျိုးထောင်ပေးခဲ့သူ၊ မြန်မာ့ပန်းချီဖွံ့ဖြိုးတိုးတက်ရေးအတွက် အစဉ်အမြဲ အားထုတ်ကြိုးပန်းခဲ့သူဖြစ်သောကြောင့် သူ ကွယ်လွန်သွားခြင်းအတွက် များစွာ ဝမ်းနည်းကြောင်းနှင့် ဆုတောင်းစာများ လူမှုကွန်ယက်၌ ရေးသားလျက်ရှိကြသည်ကိုလည်း တွေ့ရသည်။
ဆရာကြီး ဦးလွန်းကြွယ်၏ ပန်းချီကားများသည်လည်ူ ပြည်တွင်းပြည်ပ ပန်းချီပြပွဲ၊ ပြိုင်ပွဲများ၌ ပါ၀င်ပြသခဲ့မှုများရှိသလို ပန်းချီကားများကို မြန်မာနိုင်ငံအမျိုးသားပြတိုက်၊ စင်ကာပူအနုပညာပြတိုက်နှင့် မလေးရှားအမျိုးသားပန်းချီပြခန်း စသည့် အထင်ကရပြတိုက်များ၌ လည်း စုဆောင်းထားလျက်ရှိသည်။