မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်သည် ယနေ့ စက်တင်ဘာ ၂၅ ရက်က ရုရှားနိုင်ငံ၊ မော်စကိုမြို့၌ကျင်းပသည့် ကမ္ဘာ့အဏုမြူသီတင်းပတ်ဖိုရမ်သို့ အခြားနိုင်ငံ့ခေါင်းဆောင်များနှင့်အတူ တက်ရောက်ခဲ့သည်။
ဖိုရမ်အား ရုရှားနိုင်ငံပိုင် အဏုမြူစွမ်းအင်ကော်ပိုရေးရှင်း”ROSAROM”၏ ညွှန်ကြားရေးမှူးချုပ် Alexei Yevgenievich Likhachev မှဦးဆောင်ကျင်းပခဲ့ပြီး ရုရှားနိုင်ငံ သမ္မတ ဗလာဒီမာပူတင် ၊ မြန်မာနိုင်ငံတော် ယာယီသမ္မတနှင့် အခြားနိုင်ငံ့ခေါင်းဆောင်များက မိန့်ခွန်းများပြောကြားခဲ့ကြသည်။
အဆိုပါ ဖိုရမ်သို့ ဘယ်လာရုစ်သမ္မတ Alexander Grigoryevich Lukashenko ၊ အာမေးနီးယားဝန်ကြီးချုပ် Nikol Vovayevich Pashinyan ၊ အီသီယိုးပီးယားနိုင်ငံဝန်ကြီးချုပ် Abiy Ahmed ၊ IAEA(အပြည်ပြည်ဆိုင်ရာ အဏုမြူစွမ်းအင်အေဂျင်စီ ညွှန်ကြားရေးမှူး ချုပ် Rafael Mariano Grossi တို့တက်ရောက်ခဲ့ကြသည်။
ထို့ပြင် အီရန်နိုင်ငံ ဒု-သမ္မတ၊ အီရန်အဏုမြူစွမ်းအင်အဖွဲ့အစည်းအကြီးအကဲ Mohammad Eslami ၊ ဥဇဘက်ကစ္စတန်နိုင်ငံ ဒု-ဝန်ကြီးချုပ် Jamshid Abdukhakimovich Khodjaev ၊ အီဂျစ်နိုင်ငံ လျှပ်စစ်ဓာတ်အားနှင့် ပြန်လည်ပြည့်ဖြိုးမြဲစွမ်းအင်ဝန်ကြီး Mahmoud Esmat ၊ နိုင်ဂျာနိုင်ငံသတ္တုတွင်းဝန်ကြီး Ousmane Abarchi ၊ ကမ္ဘာ့အဏုမြူအဖွဲ့အစည်း (World Nuclear Association) ညွှန်ကြားရေးမှူးချုပ် Sama Bilbao y Leon (စပိန်၊ အမေရိကန်)၊ BRICS အဏုမြူစွမ်းအင်ပလက်ဖောင်းအကြီးအကဲ Elsie Pule (တောင်အာဖရိက)၊ “Impact Team 2050” အပြည်ပြည်ဆိုင်ရာလူငယ်အဖွဲ့ အဖွဲ့ဝင် Diada Gamazova (ကာဇက်စတန်နိုင်ငံ)တို့လည်း တက်ရောက်ခဲ့ကြသည်။