အင်ဒိုနီးရှားနိုင်ငံတွင် ယနေ့ ဩဂုတ် (၂၃) ရက် ညနေ(၃)နာရီအချိန်တွင် ASEAN U-16 Women’s Championship 2025 ပြိုင်ပွဲ အုပ်စုအဖွင့်ပွဲစဉ်အား မြန်မာ- ကမ္ဘောဒီးယား အမျိုးသမီးအသင်းတို့ ယှဉ်ပြိုင်ကစားရာ မြန်မာအသင်းက ပထမပိုင်းပွဲချိန်အပြီး ဦးဆောင်ဂိုး ၁ ဂိုးသွင်းယူထားပြီဖြစ်သည်။
အဆိုပါ ဦးဆောင်ဂိုးကို ကျောနံပါတ်(၆) အသင်းခေါင်းဆောင် ပင်မြင့်ယံက ပွဲချိန်(၂၆)မိနစ်တွင် သွင်းယူပေးခဲ့ခြင်းဖြစ်သည်။
ဒုတိယပိုင်းပွဲချိန်ကို ဆက်လက်ယှဉ်ပြိုင်ကစားနေပြီး ပွဲပြီးရလဒ်အခြေအနေကို မြန်မာပရိတ်သတ်များအကြား စိတ်ဝင်စားမှုမြင့်တက်နေသည်။
မြန်မာအသင်းသည် ဩဂုတ် (၂၅) ရက် မြန်မာစံတော်ချိန် ည (၇)နာရီတွင် ဗီယက်နမ်အသင်းနှင့်ဆက်လက်ယှဉ်ပြိုင်ကစားရမည်ဖြစ်သည်။
ပြိုင်ပွဲကို အုပ်စုသုံးခုခွဲထားပြီး အုပ်စုပထမ (၃)သင်းနှင့် အကောင်းဆုံးအုပ်စု ဒုတိယ (၁)သင်းတို့ ဆီမီးဖိုင်နယ်သို့ တက်ရောက်မည်ဖြစ်သည်။