နှစ်စဉ်ကျင်းပနေကြဖြစ်သည့် ဖောင်တော်ဦးဘုရားပွဲတော်ကို လာမည့်သီတင်းကျွတ်ကာလတွင် ကျင်းပပြုလုပ်မည်ဖြစ်ကြောင်း သိရသည်။
ရှမ်းပြည်နယ်အစိုးရအဖွဲ့ဝင်များသည် ယခုနှစ်သီတင်းကျွတ်ကာလတွင် ဖောင်တော်ဦးဘုရားပွဲတော် ကျင်းပပြုလုပ်နိုင်ရေးကြိုတင်ပြင်ဆင်မှုလုပ်ငန်းများ ဆောင်ရွက်ပြီးစီးမှုအခြေအနေများကို သွားရောက်ကြည့်ရှု့စစ်ဆေးခဲ့သည်။
ပြည်နယ်ဝန်ကြီးများနှင့် အဖွဲ့သည်ညောင်ရွှေမြို့၊ ကမ်းနားလမ်းရှိ ဖောင်တော်ဆိုက်ပြာသာဒ်၊ ဖောင်တော်ပြန်ပြာသာဒ်နှင့် ဆုပေးပွဲမဏ္ဍပ်ဆောင်ပြင်ဆင်ဆောင်ရွက်ထားရှိမှုအခြေအနေများကို ကြည့်ရှုစစ်ဆေးခဲ့သည်။
၁၃၈၇-ခုနှစ်၊ သီတင်းကျွတ်လ အင်းလေးဖောင်တော်ဦးမြတ်စွာဘုရားရုပ်ရှင်တော်မြတ်များသည် ညောင်ရွှေမြို့ပေါ်သို့ ဒေသစာရီကြွချီလှည့်လည်အပူဇော်ခံပြီး ရေနှင့်မြို့အတွင်း ဒေသစာရီကြွချီမည်ဖြစ်သည်။
အင်းလေးဖောင်တော်ဦးမြတ်စွာဘုရားပွဲတော်ကို ကိုဗစ်ကာလအလွန် ၂၀၂၃ ခုနှစ်တွင်ပြန်လည်ကျင်းပခဲ့ပြီး ပြည်တွင်းပြည်ပခရီးသွားများစ်တ်ဝင်စားသည့် ပွဲတော်တစ်ခုဖြစ်ကြောင်း သိရသည်။