ယူနက်စကိုက ဉာဏ်ရည်တုစွမ်းရည်တည်ဆောက်ရေး၌ အာဆီယံကိုညီညွတ်ကြရန်တိုက်တွန်း

ကွန်ပြူတာစွမ်းရည်၊ ဒေတာဖလှယ်လုပ်ဆောင်နိုင်စွမ်းနှင့် မူဝါဒများသဟဇာတဖြစ်မှုတို့သည် ဉာဏ်ရည်တု (AI) စွမ်းရည်များတည်ဆောက်ရာတွင် အာဆီယံဒေသတွင်း ပူးပေါင်းဆောင်ရွက်မှု၏ အရေးကြီးသောမဏ္ဍိုင်များဖြစ်ကြောင်း ယူနက်စကိုကဆိုသည်။

အာဆီယံသည် အရှေ့တောင်အာရှ၏ ဒစ်ဂျစ်တယ်အနာဂတ်၏ ရှေ့တန်းမှ ၎င်း၏အခန်းကဏ္ဍကို အားဖြည့်ပေးမည့် ဉာဏ်ရည်တုစွမ်းရည်မြှင့်တင်ရန်အတွက် မဟာဗျူဟာကျသောနေရာအဖြစ် ထိုင်းနိုင်ငံကို မီးမောင်းထိုးပြလိုသည်။

မကြာသေးမီက ထိုင်းနိုင်ငံသည် အာရှ-ပစိဖိတ်ဒေသတွင် ပထမဆုံးအကြိမ်ကျင်းပသည့် ဉာဏ်ရည်တု အေအိုင် ကျင့်ဝတ်ဆိုင်ရာဖိုရမ်ကို အိမ်ရှင်အဖြစ် လက်ခံကျင်းပခဲ့ပြီး ထွန်းသစ်စနည်းပညာများကို ဖေါ်ဆောင်စီမံရာတွင် နိုင်ငံ၏ ကြီးမားနေသော အခန်းကဏ္ဍကို နိုင်ငံတကာက မီးမောင်းထိုးပြခဲ့သည်။

“ကမ္ဘာက ထိုင်းနိုင်ငံအပေါ် အာရုံစိုက်ပြီး ဤနည်းပညာနှင့် ၎င်း၏မူဝါဒဆိုင်ရာ ဆန်းသစ်တီထွင်မှုအပိုင်း၌ တိုးတက်မှုများသည် ထိုင်းနိုင်ငံအပေါ်တွင် မူတည်နေသည်” ဟု ယူနက်စကို အေအိုင်ယူနစ်၏ ကျင့်ဝတ်ဆိုင်ရာအကြီးအကဲ အီရာခလီ ခိုဒယ်လီ က ဘန်ကောက်ပို့စ် ကို ပြောကြားခဲ့သည်။

ဘန်ကောက်တွင် အရေးကြီးသော ကမ္ဘာ့ကွန်ရက်နှစ်ခုကိုလည်း လွှင့်တင်ခဲ့သည်။ ပထမမှာ နည်းပညာအတွက် ထိရောက်သော ကြီးကြပ်မှုအစီအစဉ်များကို ဒီဇိုင်းထုတ်ခြင်းဖြင့် ဉာဏ်ရည်တုကို မြှင့်တင်ရန် ရည်ရွယ်သည့် ဉာဏ်ရည်တု ကြီးကြပ်ရေးအာဏာပိုင်များ၏ ကမ္ဘာလုံးဆိုင်ရာကွန်ရက်ဖြစ်သည်။

ဒုတိယမှာ ထိရောက်သော ဉာဏ်ရည်တု မူဝါဒများသည် အထူးအကျိုးစီးပွားပါဝင်သည့်အုပ်စုများ၊ အမျိုးသမီးများ၊ တိုင်းရင်းသားလူနည်းစုများ၊ မသန်စွမ်းသူများနှင့် လူငယ်များအပါအဝင် “စားပွဲဝိုင်းတစ်ဝိုင်းရှိလူတိုင်း” လိုအပ်သည်ဟု ယုံကြည်ချက်အပေါ် အခြေခံ၍ ဒုတိယမှာ အရပ်ဘက်လူမှုအဖွဲ့အစည်းများ၏ ကမ္ဘာလုံးဆိုင်ရာကွန်ရက်နှင့် ဉာဏ်ရည်တု ကျင့်ဝတ်ဆိုင်ရာ ပညာရပ်များဖြစ်သည်။

အရပ်ဘက်အဖွဲ့အစည်းများသည် အဆိုပါဆွေးနွေးမှုများမှ မကြာခဏဖယ်ထုတ်ခံရပြီး ဉာဏ်ရည်တုကို ကျင့်ဝတ်နှင့် လျော်ညီသော အသုံးပြုမှုနှင့် ဖွံ့ဖြိုးတိုးတက်မှုအတွက် စွမ်းရည်မြှင့်တင်ခြင်း၊ အတွေ့အကြုံမျှဝေခြင်းနှင့် စည်းရုံးဖွဲ့စည်းလှုပ်ရှားရေးသင်တန်းများပေးခြင်းဖြင့် ဉာဏ်ရည်တုကိုကျင့်ဝတ် နှင့် လျော်ညီအောင်အသုံးပြုရေးနှင့် ဖွံ့ဖြိုးတိုးတက်ရေးတွင် မဟာမိတ်များကို စုစည်းရန် ရည်ရွယ်ထားကြောင်း ၎င်းက ပြောကြားခဲ့သည်။

ယူနက်စကိုသည် အဖွဲ့ဝင်နိုင်ငံပေါင်း ၁၉၄ နိုင်ငံက လက်ခံကျင့်သုံးသည့် ၎င်း၏ကျင့်ဝတ် နှင့် လျော်ညီစွာ ဉာဏ်ရည်တုကို အသုံးပြုရေး အကြံပြုချက်တွင် ချမှတ်ထားသည့် ကျင့်ဝတ်ဆိုင်ရာအခြေခံမူများအကြောင်းကို ဆွေးနွေးခြင်းမှ ခိုင်မာသောလုပ်ဆောင်ချက်ရစေရန်နှင့် လက်တွေ့ အကျိုးရှိ‌စေရန်တို့ကို အဓိက ထားစေလိုသည်။

ဉာဏ်ရည်တုကို စီမံအုပ်ချုပ်မှုသည် စည်းမျဉ်းကိုကျော်လွန်နေသောကြောင့် ဉာဏ်ရည်တုအတွက် “အုပ်ချုပ်မှုစည်းမျဉ်း” ကို ယူနက်စကိုက ဆွေးနွေးလိုသည်ဟု ၎င်းကဆိုသည်။ ဤရပ်တည်ချက်သည် အများသူငှာ အကျိုးစီးပွားအတွက် အပြုသဘောဆောင်သော ဉာဏ်ရည်တု ရလဒ်များကို ဖော်ဆောင်ရန် ရင်းနှီးမြှုပ်နှံမှုများနှင့် မက်လုံးများ လိုအပ်သည်။ ရှုပ်ထွေးသော လူမှုပတ်ဝန်းကျင်နှင့် စီးပွားရေးပြဿနာများကို ကိုင်တွယ်ဖြေရှင်းကာ ဆေးဝါး၊ စိုက်ပျိုးရေးနှင့် မြို့ပြစီမံကိန်းစသည့် နယ်ပယ်များတွင် ရင်းနှီးမြှုပ်နှံမှု အများစုသည် စီးပွားဖြစ်ရည်ရွယ်ချက်သို့ ဦးတည်ရန်လိုသည်။

ကျင့်ဝတ်နှင့်လျော်ညီသော ဉာဏ်ရည်တု၏ အဓိက ဦးတည်ချက်မှာ ခွဲခြားဆက်ဆံမှု၊ ဘက်လိုက်မှု၊ သတင်းမှားများ အွန်လိုင်းတွင် ပျံ့နှံ့မှုနှင့် “ဤနေရာနှင့် ယခုဖြစ်ပွားနေသော အလုပ်နေရာရွှေ့ပြောင်းမှုများ”ကို တို-က်ဖျ-က်နေကြောင်း ၎င်းက ပြောကြားခဲ့သည်။

ယုံကြည်မှုနှင့် ဘေးကင်းလုံခြုံစွာဖြင့် နယ်နိမိတ်များဖြတ်ကျော်၍ ဒေတာစီးဆင်းမှုကို အကောင်အထည်ဖော်နိုင်ရန် ဒေတာကို ဟန်ချက်ညီစေရန်လည်း လိုအပ်ပါသည်။ ဒေတာနိုင်ငံတွေများလေလေ ဉာဏ်ရည်တု AI မော်ဒယ်လ်တွေကို ပိုတိကျအောင် တီထွင်နိုင်လေလေ၊ နိုင်ငံငယ်လေးတွေအတွက် စိန်ခေါ်မှုတစ်ခုပါပဲ” ဟု သူကပြောကြားခဲ့သည်။

ဒေသတွင်း၌ ဒေတာပေါင်းစည်းခြင်း၏ အကျိုးကျေးဇူးမှာ အုပ်စုအသီးသီးကို ကိုယ်စားပြုရန်အတွက် ဒေတာအတွဲများတွင် ပေါင်းစည်းနိုင်စေမည့် ဉာဏ်ရည်တုသည် ပိုမိုကောင်းမွန်ကြောင်း မစ္စတာခိုဒယ်လီ က ပြောကြားခဲ့သည်။ ဉာဏ်ရည်တုသည် နယ်နိမိတ်များကို အသိအမှတ်မပြုသောကြောင့် ဉာဏ်ရည်တု နှင့်ပတ်သက်သော ဒေသဆိုင်ရာမူဝါဒတစ်ခုရှိခြင်းသည် စွမ်းရည်နှင့်နည်းပညာကို တင်းကြပ်ရန် အရေးကြီးသည်ဟုလည်း ၎င်းက ဆိုသည်။

Ref: ဘန်ကောက်ပို့စ်