ရုရှားနိုင်ငံခြားရေးဝန်ကြီး ဆာဂီ လက်ဗရော့ဗ်သည် သောကြာနေ့တွင် မြောက်ကိုရီးယားနိုင်ငံသို့ ရောက်ရှိလာခဲ့သည်ဟု နိုင်ငံပိုင် ကေစီအင်န်အေ သတင်းဌာနက စနေနေ့တွင် သတင်းထုတ်ပြန်ခဲ့သည်။
လက်ဗရော့ဗ်၏ ခရီးစဉ်အတွင်း တနင်္ဂနွေနေ့တွင် နှစ်နိုင်ငံနိုင်ငံခြားရေးဝန်ကြီးများ တွေ့ဆုံမည့်အစီအစဉ်လည်း ပါဝင်သည်ဟု ကေစီအင်န်အေက ဆိုသည်။
အာဆီယံနိုင်ငံခြားရေးဝန်ကြီးများ အစည်းအဝေးအပြီး မလေးရှားနိုင်ငံ မြို့တော်ကွာလာလမ်ပူရ်မှ ပြန်ထွက်ခွာခဲ့သော လက်ဗရော့ဗ်သည် မကြာခင်ကမှ အပန်းဖြေစခန်းဖွင့်လှစ်ထားပြီး ဒုံးကျည်များနှင့် ရေတပ်အဆောက်အအုံများကြောင့် လူသိများသော မြောက်ကိုရီးယား၏ အရှေ့ပိုင်းကမ်းရိုးတန်းမြို့ ဝမ်ဆန်သို့ ရောက်ရှိလာခဲ့သည်။
လက်ဗရော့ဗ်၏ ခရီးစဉ်သည် ယခုအခါတွင် အပြန်အလှန်ကာကွယ်ရေး သဘောတူညီချက်လည်း ပါဝင်သည့် ၎င်းတို့၏ မဟာဗျူဟာမြောက် ပူးပေါင်းဆောင်ရွက်မှုကို သိသိသာသာမြှင့်တင်လိုက်ပြီးနောက် နှစ်နိုင်ငံအကြား အဆင့်မြင့်အရာရှိအဆင့် နောက်ထပ်တွေ့ဆုံမှုဖြစ်သည်။
မြောက်ကိုရီးယားသည် ယူကရိန်းနှင့် တိုက်နေသော စစ်ပွဲသို့ စစ်သည် ၁၀,၀၀၀ ကျော်စေလွှတ်ပေးခဲ့ပြီးနောက် ဇူလိုင် သို့မဟုတ် သြဂုတ်လလောက်တွင် စစ်သည်များ ထပ်မံစေလွှတ်ရန် ပြင်ဆင်နေနိုင်သည်ဟု တောင်ကိုရီးယားထောက်လှမ်းရေးဌာနက ပြောကြားခဲ့သည်။
Ref: ရိုက်တာ