မြန်မာ-တရုတ်ချစ်ကြည်ရေးအသင်း(ဗဟို)မှ ဘုန်းတော်ကြီးကျောင်းများ၌ ဝါဆိုသင်္ကန်းနှင့် စာသင်တိုက်များအတွက် ဗလာစာအုပ်နှင့်လှူဖွယ်ဝတ္ထုများကို ဇူလိုင် ၁၀ ရက်နှင့် ၁၁ ရက်တို့က လှူဒါန်းခဲ့ကြသည်။
ဇူလိုင် ၁၀ ရက်နံနက် ၉ နာရီက မြန်မာ-တရုတ်ချစ် ကြည်ရေးအသင်း(ဗဟို)ဥက္ကဋ္ဌ ဦးတင်ဦးနှင့် အလှူ ရှင်များမှ သံလျင်မြို့၊ ဆုထူးပန်ဘုန်းတော်ကြီးသင်ပညာရေးကျောင်း၌ စုပေါင်းဝါဆိုသင်္ကန်းနှင့် ဝါဆိုဆွမ်းတို့ကို ဆက်ကပ်လှူဒါန်းခဲ့ကြပြီး ပညာရေးပ ဒေသာပင်အတွက် အလှူငွေများ၊ ကျောင်းသား၊ ကျောင်းသူ(၅၂၅)ဦးအတွက် ဗလာစာအုပ်(၅၂၅) ဒါဇင်တို့ကိုလည်း လှူဒါန်းခဲ့ကြကြောင်း သိရသည်။
ထို့အတူ ဇူလိုင် ၁၀ ရက်နေ့လည်ပိုင်းတွင်လည်း ရန် ကုန်တိုင်း၊ ရွှေပြည်သာပရိယတ္တိစာသင်တိုက် ပဓာနဆရာတော် ဘဒ္ဒန္တနာဂိတ(ဒွိပိဋက)အား ဗလာစာ အုပ်(၁၅၀)ဒါဇင်နှင့် လှူဖွယ်ဝတ္ထုများ၊ အင်းစိန်ရွာ မ ပရိယတ္တိစာသင်တိုက်ကြီး၏ ပဓာနဆရာတော်ကြီးအား စာသင်သားရဟန်းတော်(၅၁၀)ပါးအ တွက် ဗလာစာအုပ်ဒါဇင်(၃၀၀)နှင့် လှူဖွယ်ဝတ္ထုများကို ဆက်ကပ်လှူဒါန်းခဲ့ကြသေးသည်။
ထို့ပြင် ဇူလိုင် ၁၁ ရက်နံနက်ပိုင်းကလည်း တာမွေမြို့နယ်၊ မာလာနွယ်လမ်းရှိ မစိုးရိမ်စာသင်တိုက်အ တွက် ပညာရေးရန်ပုံငွေနှင့် ဘောလ်ပင်များ၊ ဗလာ စာအုပ်(၁၅၀)ဒါဇင်၊ ဗဟန်းမြို့နယ်၊ လှရတနာညောင်တုန်းပါဠိတက္ကသိုလ်တွင် ပညာရေးရန်ပုံငွေနှင့် ဘောလ်ပင်များ၊ ဗလာစာအုပ်(၁၅၀)ဒါဇင်တို့ကို ဆက်ကပ်လှူဒါန်းခဲ့သည်။
မြန်မာ-တရုတ်ချစ်ကြည်ရေးအသင်း(ဗဟို)သည် ဇူလိုင် ၁၀ ရက်နှင့် ၁၁ ရက်တို့က ဘုန်းတော်ကြီးကျောင်းများအတွက် ဗလာစာအုပ်(၁၂၆၅)ဒါဇင်၊ စာရေးကိရိယာများနှင့် ငွေကျပ်(၁၁၄)သိန်းကျော်တို့ကိုဆက်ကပ်လှူဒါန်းခဲ့ကြကြောင်း သိရသည်။