AFF Shopee Cup ဝင်ရောက်ခွင့်အတွက် ခြေစစ်ပွဲကို ရှမ်းယူနိုက်တက်အသင်း နှင့် လာအို EZRA FC အသင်းတို့ အိမ်ကွင်း/အဝေးကွင်း နှစ်ကျော့ယှဉ်ပြိုင်ကစားသွားကြရမည်ဖြစ်ကြောင်း အသင်းက အသိပေးထားသည်။
အဆိုပါ ခြေစစ်ပွဲနှစ်ပွဲအနက် တစ်ပွဲမှာ လာအိုနိုင်ငံတွင်တစ်ကျော့၊ မြန်မာနိုင်ငံတွင် တစ်ကျော့ ယှဉ်ပြိုင်ကစားကြရမည်ဖြစ်သော်လည်း ခြေစစ်ပွဲ ကစားရမည့် ရက်များကိုတော့ ထပ်မံအသိပေးသွားမည်ဖြစ်ကြောင်း သိရသည်။
ယနေ့ ဇူလိုင် ၄ ရက်က ထိုင်းနိုင်ငံတွင် ကျင်းပပြုလုပ်သည့် AFF Shopee Cup Official Draw 2025/26 အခမ်းအနားကို ရှမ်းယူနိုက်တက်အသင်း အမှုဆောင် အရာရှိချုပ် ဦးရဲမျိုးထွန်းနဲ့ အထွေထွေ အတွင်းရေးမှုး မရှုမငြီးအောင်တို့တက်ရောက်ခဲ့ကြသည်။
ရှမ်းယူနိုက်တက်အသင်းအနေဖြင့် ခြေစစ်ပွဲအဆင့်ကို ကျော်ဖြတ်နိုင်ပါကGroup(B)တွင် ပါဝင်ကစားရမည်ဖြစ်ကာ ပြိုင်ဘက်အသင်းများအနေဖြင့် ဘန်ကောက် ယူနိုက်တက်၊ ဂျိုဟိုးဒါရူး၊ နန်ဒင်း၊ လိုင်းယွန်းစီးတီး၊ ဆာဗေးရှင်း
အသင်းတို့ဖြင့် ထိပ်တိုက်ရင်ဆိုင်သွားကြရမည်ဖြစ်သည်။