တောင်ကြီးတက္ကသိုလ်၊ ဥပဒေပညာဌာနတွင် စီးပွားရေးဥပဒေဒီပလိုမာသင်တန်းကို ၂၀၂၅ ခုနှစ်၊ ဇူလိုင်လ (၁၇) ရက်နေ့တွင် စတင်ဖွင့်လှစ်မည်ဖြစ်ကြောင်း သိရသည်။
စီးပွားရေးဥပဒေဒီပလိုမာသင်တန်းကို ဘွဲ့ရပြီးသူများ လျှောက်ထားနိုင်ပြီး ဝန်ထမ်းဖြစ်ပါက သက်ဆိုင်ရာဌာနအကြီးအကဲ၏ သင်တန်းတက်ရောက်ရန် ခွင့်ပြုကြောင်း အထောက်အထား တင်ပြရမည်ဖြစ်သည်။
သင်တန်းကာလမှာ ၂၀၂၅ ခုနှစ်၊ ဇူလိုင်လမှ အောက်တိုဘာလအထိ (ပထမနှစ်ဝက်) နှင့် ၂၀၂၅ ခုနှစ်၊ ဒီဇင်ဘာလမှ ၂၀၂၆ ခုနှစ်၊ ဧပြီလအထိ (ဒုတိယနှစ်ဝက်) တို့ကို တက်ရောက်ရမည်ဖြစ်ပြီး စုစုပေါင်း (၉) လကြာမြင့်မည်ဖြစ်သည်။
တောင်ကြီးတက္ကသိုလ်တွင် တနင်္လာနေ့မှ သောကြာနေ့အထိ တစ်ပတ် (၅) ရက်ကို မနက် (၇) နာရီကနေ (၉) နာရီအထိ တက်ရောက်ရမည်ဖြစ်ပြီး သင်တန်းပြီးမြောက် အောင်မြင်ပါက Diploma in Business Law ဆိုသည့် ဒီပလိုမာဘွဲ့ကို ရရှိမည်ဖြစ်ကြောင်း သိရသည်။
သင်တန်းတက်ရောက်လိုသူများသည် တောင်ကြီးတက္ကသိုလ်၊ ကျောင်းသားရေးရာဌာနတွင် ဇွန်လ (၂၅) ရက်နေ့မှ ဇူလိုင်လ (၄) ရက်နေ့အထိ လူကိုယ်တိုင် သွားရောက် လျှောက်ထားနိုင်ပြီး လျှောက်လွှာတင်သည့်အခါဘွဲ့လက်မှတ် (သို့) ဘွဲ့လက်မှတ်ထောက်ခံစာ၊ ဝန်ထမ်းဖြစ်ပါက သက်ဆိုင်ရာဌာနအကြီးအကဲ၏ ထောက်ခံချက်
လိုင်စင်ဓာတ်ပုံ (၅) ပုံ၊ မှတ်ပုံတင်သင်တန်းသားဦးရေကန့်သတ်ထားသဖြင့် ဝင်ခွင့်အရည်အချင်းစစ်ရေးဖြေ၊ နှုတ်ဖြေ စာမေးပွဲများကို ဖြေဆိုရမည်ဖြစ်သည်။
ဝင်ခွင့်ရေးဖြေစာမေးပွဲကို ဇူလိုင်လ (၈) ရက်၊ မနက် (၉) နာရီမှ (၁၀) နာရီအထိ ဖြေဆိုရမည်ဖြစ်ပြီး နှုတ်ဖြေစာမေးပွဲကို ဇူလိုင်လ (၁၀) ရက်၊ မနက် (၉) နာရီ၊ လွိုင်လင်ဆောင်၊ ဥပဒေပညာဌာန၊ တောင်ကြီးတက္ကသိုလ်တွင် ဖြေဆိုရမည်ဖြစ်ကြောင်း၊ ဝင်ခွင့်စာမေးပွဲအောင်မြင်သူများစာရင်းကို ဇူလိုင်လ (၁၄) ရက်နေ့တွင် ကြေညာပေးသွားမည်ဖြစ်ပြီး သင်တန်းကို ဇူလိုင်လ (၁၇) ရက်နေ့တွင် စတင်ဖွင့်လှစ်သွားမည်ဖြစ်သည်။