စတုတ္ထအကြိမ်မြောက် ဥရောပအာရှစီးပွားရေးဖိုရမ်ကို ဥရောပအာရှစီးပွားရေးသမဂ္ဂ(EAEU)အတွင်း ပူးပေါင်းဆောင်ရွက်မှုများကို မြှင့်တင်ရန်အတွက် ရည်ရွယ်ပြီး ကြာသပတေးနေ့က မင်စ့်မြို့တွင် စတင်ကျင်းပလိုက်သည်။
EAEU ဥက္ကဋ္ဌရာထူးကို ၂၀၂၅ ခုနှစ်တွင် ရယူထားသည့် ဘီလာရုစ်နိုင်ငံ သည် ဥရောပအာရှစီးပွားရေးကောင်စီ (Eurasian Economic Council) ၏အစည်းအဝေးနှင့်အတူ ဖိုရမ်ကို အိမ်ရှင်အဖြစ် လက်ခံကျင်းပနေပြီး EAEU အဖွဲ့ဝင်နိုင်ငံများမှ နိုင်ငံတော်အကြီးအကဲများ ပါဝင်တက်ရောက်ကြသည်။
“ဥရောပအာရှစီးပွားရေး ပေါင်းစည်းမှုမဟာဗျူဟာ–ရလဒ်များနှင့် အလားအလာများ” ဟူသော ခေါင်းစဉ်ဖြင့် ဖိုရမ်ကို နှစ်ရက်ကြာ ကျင်းပသွားမည်ဖြစ်သည်။ နိုင်ငံပေါင်း ၃၀ ကျော်မှ လူပေါင်း ၂,၇၀၀ ကျော် တက်ရောက်ကြမည့် ဖိုရမ်အတွင်း စုစုပေါင်း ၃၅ ပွဲ ကိုကျင်းပမည်ဖြစ်သည်။
အဆိုပါဖိုရမ်သည် EAEU ၏နှစ်စဉ်စီးပွားရေး အစီအစဉ်တစ်ခုဖြစ်သည်။ ထိပ်တန်းစီးပွားရေးလုပ်ငန်းများ၊ အစိုးရအရာရှိများနှင့် EAEU အဖွဲ့ဝင်နိုင်ငံများ၊ တတိယနိုင်ငံများနှင့် နိုင်ငံတကာအဖွဲ့အစည်းများမှ ကိုယ်စားလှယ်များအနေဖြင့် စီးပွားရေးပူးပေါင်းဆောင်ရွက်မှုများကို ဆွေးနွေးရန် နေရာတစ်ခုဖြစ်သည်။
Ref: ရှင်းဟွာ