အက်တမ် (ATOM) မှ နှစ်ပတ်လည်အထိမ်းအမှတ်အဖြစ် မေလ (၃၀)ရက်တွင် နေပြည်တော်၊ တပ်ကုန်းရှိ ‘အောက်ဆင်သေ သစ်တောကြိုးဝိုင်း’ မြေကွက် ၂၅ ၌ သစ်ပင် ၁၀၀၀ စိုက်ပျိုးခြင်းပြုလုပ်ခဲ့သည်။ မကြာသေးမီက လှူုဒါန်းခဲ့သော အဆိုပါ ၅ ဧက အကျယ်မြေနေရာတွင် အက်တမ် (ATOM) ၏ စီမံခန့်ခွဲရေးအဖွဲ့ဝင်များနှင့်တကွ လုပ်အားပေးဝန်ထမ်းများ ပူးပေါင်းပါဝင်ပြီး သစ်ပင်စိုက်ပျိုးခဲ့ကြောင်း သိရသည်။
အက်တမ်၏ အမှုဆောင်အရာရှိချုပ် Mr. Ahmad Abdallah က “ကျွန်တော်တို့ အက်တမ် (ATOM) က အခုလို နှစ်ပတ်လည်ကာလမှာ မြန်မာနိုင်ငံအနှံ့ ဒစ်ဂျစ်တယ်အသွင်ပြောင်းလဲမှု နဲ့ တီထွင်ဆန်းသစ်မှုတွေ လုပ်ဆောင်နိုင်ခဲ့တာကို အင်မတန်ဂုဏ်ယူမိပါတယ်။ ဒီခရီးစဉ်ဟာ ကျွန်တော်တို့ အက်တမ် (ATOM) ရဲ့ ဝန်ထမ်းတွေ၊ မိတ်ဖက်အဖွဲ့အစည်းတွေရဲ့ ကြိုးစားအားထုတ်မှုရလဒ်တွေကြောင့်ဖြစ်ပြီး တစ်နိုင်ငံလုံးမှာရှိတဲ့ သုံးစွဲသူတွေအားလုံးနဲ့ မြန်မာပြည်သူလူထု တစ်ရပ်လုံးကိုလည်း ကျေးဇူးအထူးတင်ရှိပါကြောင်း ပြောကြားလိုပါတယ်။ အက်တမ် (ATOM) ရဲ့ ရှေ့ဆက်မယ့် လမ်းစဉ်မှာလည်း အခုလို အောင်မြင်မှုခြေလှမ်းတွေကို မှတ်ကျောက်တင်ပြီး ထိရောက်ကောင်းမွန်တဲ့ ဒစ်ဂျစ်တယ် ဝန်ဆောင်မှုအတွေ့အကြုံတွေကို ဆက်လက်ပေးအပ်သွားမှာပါ” ဟု ပြောကြားခဲ့ပါသည်။
အဆိုပါအစီအစဉ်သည် ပတ်ဝန်းကျင်ထိန်းသိမ်းရေးကို များစွာအကူအညီဖြစ်စေပြီး သဘာဝဘေးအန္တရာယ်ကျရောက်မှုကို လျော့ပါးစေသည့်အတွက် ဒစ်ဂျစ်တယ်ကဏ္ဍတွင် ခေါင်းဆောင်အဖွဲ့အစည်းတစ်ခုအဖြစ်သာမက လူမှုအသိုင်းအဝိုင်းနှင့် ကမ္ဘာမြေကြီးအတွက် စဉ်းစားလုပ်ဆောင်ခဲ့ခြင်းဖြစ်ကြောင်း သိရသည်။
“ကျွန်တော်တို့ အက်တမ် (ATOM) က သုံးနှစ်တာခရီးကနေ အခုချိန်ထိ မြန်မာပြည်သူပြည်သားတွေအတွက် ပညာရေး၊ ကျန်းမာရေး နဲ့ စီးပွားရေးဖွံ့ဖြိုးတိုးတက်မှုတွေ ဖန်တီးပေးနိုင်ဖို့ အစီအစဉ်များစွာနဲ့ လျှောက်လှမ်းလာခဲ့တာ ဖြစ်ပါတယ်။ အက်တမ် (ATOM) ရဲ့ သုံးနှစ်ပြည့်အထိမ်းအမှတ်မှစလို့ ရှေ့အနာဂတ်မှာလည်း အားလုံးပါဝင်နိုင်တဲ့ တိုးတက်မှု အခွင့်အလမ်းတွေရရှိပြီး နေထိုင်မှုဘဝတွေ မြင့်မားလာစေဖို့ ဆက်လက်လုပ်ဆောင်သွားမှာဖြစ်ပါတယ်” ဟု ဒုတိယအမှုဆောင် အရာရှိချုပ် ဦးဝင်းဆွေက ပြောကြားခဲ့ပါသည်။
အက်တမ် (ATOM) ၏ နှစ်ပတ်လည်အထိမ်းအမှတ်အဖြစ် “အမြဲတူတူ ဆုကြီးတွေယူ” အစီအစဉ်မှတဆင့် အပတ်စဉ်ဆုများ နှင့် လစဉ် ကျပ်သိန်း (၁၀၀) ငွေသားဆုကြီးများကို ပေးအပ်လျက်သည့်အပြင် ‘ကံထူး၊ ကံမြူး နှစ်သစ်ကူး’ အစီအစဉ်၏ ဆုမဲပေါင်းများစွာနှင့် ငွေကျပ် သိန်း (၁,၀၀၀) ကံထူးရှင်ရွေးပွဲကို ဇွန်လ ၁၁ ရက်တွင် Junction City ပရိုမိုးရှင်းဧရိယာ၌ စည်ကားစွာကျင်းပခဲ့ပြီးဖြစ်သည်။