အမေရိကန်သမ္မတထရမ့်ပ်က ဘီလျံနာသူဌေးအီလွန်မတ်စ်နှင့် ဆက်ဆံရေးကို ပြန်လည်ပြုပြင်ရန်ရည်ရွယ်ချက်မရှိကြောင်းနှင့် ဆိုရှယ်မီဒီယာပေါ်၌ အပြန်အလှန် ပြင်းထန်စွာ တို-က်ခို-က်ကြပြီးနောက် ၎င်းတို့၏ဆက်ဆံရေး ပြီးဆုံးသွားပြီဖြစ်ကြောင်း ပြောကြားခဲ့သည်။
ဖုန်းအင်တာဗျူးတစ်ခု၌ ထရမ့်ပ်က မတ်စ်နှင့် မကြာခင်တွေ့ဆုံစကားပြောရန် အစီအစဉ်မရှိဟုပြောကြားခဲ့ပြီး အခြားအလုပ်များဖြင့် အရမ်းအလုပ်များနေသည်ဟုလည်း ၎င်းက အင်န်ဘီစီနူးစ်ကိုပြောကြားခဲ့သည်။
အီလွန်မတ်စ်နှင့်ဆက်ဆံရေး ပြီးဆုံးသွားပြီလားဟု မေးမြန်းရာ၌ ထရမ့်ပ်က မတ်စ်သည်သမ္မတရာထူးကို မရိုမသေပြုမူသဖြင့် ထိုသို့ပင်ဖြစ်မည်ဟု ယူဆကြောင်း ပြောကြားခဲ့သည်။
ယင်းနောက်၎င်းကဆက်လက်၍ မက်စ်အနေဖြင့် One Big Beautiful Bill ဥပဒေကြမ်းကိုထောက်ခံ မဲပေးမည့်ရီပတ်ဘလစ်ကန် ကိုယ်စားလှယ်လေ-ာင်းများနှင့် ယှဉ်ပြိုင်မည့် ဒီမိုကရက်တစ်ပါတီမှ ကိုယ်စားလှယ် လေ-ာင်းများကို ထောက်ပံ့ပါက ပြင်းထန်သည့်အကျိုးဆက်များရှိလာလိမ့်မည်ဟုလည်းပြောကြားခဲ့သည်။
ထရမ့်ပ်နှင့် မက်စ်အကြားရန်ပွဲသည် အဆိုပါ “One Big Beautiful Bill” မှစတင်ခဲ့ခြင်းလည်းဖြစ်သည်။
အဆိုပါဥပဒေကြမ်းကို မက်စ်က ဆန့်ကျင်သည့်အတွက် ဥပဒေကြမ်း၏အောင်မြင်နိုင်ခြေကို ထိခို-က်စေမည်မဟုတ်ကြောင်းပြောကြားခဲ့ပြီး အဆိုပါ ဥပဒေကြမ်းကို ဇူလိုင် ၄ ရက်မတိုင်မီ အထက်လွှတ်တော်တွင် အတည်ပြုနိုင်မည်ဟုယုံကြည်ကြောင်းလည်းပြောကြားခဲ့သည်။ အဆိုပါ ဥပဒေကြမ်းကို အောက်လွှတ်တော်က အတည်ပြုပြီးဖြစ်သည်။
Source : ရှင်းဟွာ