ဂျာမနီနိုင်ငံ၊ ဟမ်းဘတ်မြို့ရှိ အဓိကရထားဘူတာရုံတွင် သောကြာနေ့ညနေပိုင်းက ဓ-ားဖြင့်တိုက်ခိုက်မှုဖြစ်ပွားခဲ့ရာ လူ ၁၈ ဦး ဒဏ်ရာရရှိခဲ့ကြောင်း ရဲတပ်ဖွဲ့က ပြောကြားခဲ့သည်။
အသက်အန္တရာယ်စိုးရိမ်ရသည့် ဒဏ်ရာများရရှိခဲ့သူ လေးဦးမှာ ကျန်းမာရေးတည်ငြိမ်လာပြီဖြစ်ကြောင်း ဟမ်ဘတ်ရဲတပ်ဖွဲ့က စနေနေ့တွင်ပြောကြားခဲ့သည်။
သောကြာနေ့ ညနေ ၆ နာရီ (ဂရင်းနစ်စံတော်ချိန် ညနေ ၄ နာရီ) ခန့်တွင် ဖြစ်ပွားခဲ့သည့် တိုက်ခိုက်မှုဖြစ်ပွားရာနေရာ၌ အသက် ၃၉ နှစ်အရွယ် ဂျာမန်အမျိုးသမီးတစ်ဦးကို ရဲအရာရှိများက ဖမ်းဆီးခဲ့သည်။
သံသယရှိသူတွင် စိတ်ကျန်းမာရေးချို့ယွင်းမှုရှိကြောင်း “အလွန်ခိုင်မာသော အထောက်အထား” ရှိပြီး တိုက်ခိုက်မှုမှာ နိုင်ငံရေးလှုံ့ဆော်မှုကြောင့်ဟူသည့် အထောက်အထားမတွေ့ရဟု ရဲတပ်ဖွဲ့က ပြောကြားခဲ့သည်။
အဆိုပါအမျိုးသမီးကို ရဲတပ်ဖွဲ့က ထိန်းသိမ်းထားဆဲဖြစ်ပြီး တရားရုံးသို့ တင်ပို့ရန် စီစဉ်ထားသည်။
တိုက်ခိုက်မှုသည် ပလက်ဖောင်း ၁၃ နှင့် ၁၄ ကြားတွင် ဖြစ်ပွားခဲ့ပြီး သံသယရှိသူသည် ရထားစောင့်ဆိုင်းနေသူများကို ဓ-ားဖြင့်ထို-းနှ-က်ခဲ့သော်လည်း ပလက်ဖောင်းပေါ်ရှိ လူနှစ်ဦးနှင့် အရေးပေါ်ကယ်ဆယ်ရေးဝန်ဆောင်မှုများ၏ “လျင်မြန်စွာ ကြားဝင်ဆောင်ရွက်မှု” ကြောင့် သူ့ကိုတားဆီးနိုင်ခဲ့ကြောင်း ရဲတပ်ဖွဲ့က ပြောကြားခဲ့သည်။
သံသယတရားခံ အမျိုးသမီးသည် မူ-းယ-စ်ဆေးဝါး သို့မဟုတ် အရက်ေ-သစာ သောက်သုံးထားခြင်းမရှိကြောင်းကိုလည်း ရဲတပ်ဖွဲ့က ဖြည့်စွက်ပြောကြားခဲ့သည်။
စုံစမ်းစစ်ဆေးမှုများ ဆက်လက်လုပ်ဆောင်နေဆဲဖြစ်သည်။
ဂျာမန်ဝန်ကြီးချုပ် ဖရက်ဒရစ် မာ့ဇ်က တိုက်ခိုက်မှုကို “ထိတ်လန့်စရာကောင်းသည်” ဟု ပြောကြားခဲ့ပြီး မြေပြင်ရှိ အရေးပေါ်ကယ်ဆယ်ရေးဝန်ဆောင်မှုများကို “၎င်းတို့၏ လျင်မြန်သောအကူအညီ” အတွက် ကျေးဇူးတင်ရှိကြောင်း ပြောကြားခဲ့သည်။