အမေရိကန်သမ္မတ ဒေါ်နယ်ထရမ့်ပ်သည် ကုန်သွယ်ရေးနှင့် လုံခြုံရေးဆိုင်ရာ ကိစ္စရပ်များကို အဓိကထားမည့် လေးရက်ကြာ ပင်လယ်ကွေ့ခရီးစဉ် စတင်မှုအဖြစ် အင်္ဂါနေ့နံနက်ပိုင်းတွင် ဆော်ဒီအာရေဗျနိုင်ငံသို့ ရောက်ရှိမည်ဖြစ်သည်။
ဆော်ဒီ-အမေရိက ရင်းနှီးမြှုပ်နှံမှုဖိုရမ် ကျင်းပနေသည့် ရီယာ့ဒ်သို့ ထရမ့်က ပထမဆုံး သွားရောက်မည်ဖြစ်ကာ ဗုဒ္ဓဟူးနေ့တွင် ကာတာနှင့် ကြာသာပတေးနေ့တွင် ယူအေအီးနိုင်ငံများသို့ ဆက်လက်ခရီးနှင်မည်ဖြစ်သည်။
ရာထူးရယူပြီးနောက်ပိုင်း ပထမဆုံး ပြည်ပခရီးစဉ်အဖြစ် ပုပ်ရဟန်းမင်း ဖရန်စစ်၏ ဈာပနကို သွားရောက်ခဲ့သော ထရမ့်ပ်၏ ယခု ဒုတိယမြောက် ပြည်ပခရီးစဉ်သည် ပထဝီနိုင်ငံရေးဆိုင်ရာ တင်းမာမှုများရှိနေချိန်တွင် ထွက်ပေါ်လာခြင်းဖြစ်သည်။ ယူကရိန်းစစ်ပွဲ အဆုံးသတ်ရေးကို ဖိအားပေးနေသည့်အပြင် ထရမ့်ပ်အစိုးရအဖွဲ့သည် ဂါဇာတွင် ချက်ချင်းအပစ်အခတ်ရပ်စဲရေးသဘောတူညီချက် ရရှိရန်ကိုလည်း ကြိုးပမ်းသွားမည်ဖြစ်သည်။
နိုင်ငံခြားရေးဝန်ကြီး၊ နိုင်ငံတော်လုံခြုံရေးအကြံပေး မာကိုရူဘီယိုနှင့် ကာကွယ်ရေးဝန်ကြီး Pete Hegseth တို့အပြင် ယခုခရီးစဉ်တွင် Tesla စီအီးအိုဖြစ်သော ထရမ့်ပ်၏ အကြံပေး အီလွန်မတ်စ်၊ BlackRock စီအီးအို လယ်ရီဖင့်ခ်နှင့် Citigroup စီအီးအို ဂျန်ဖရေဇာတို့လည်း ကိုယ်စားလှယ်အဖွဲ့တွင် ပါဝင်မည်ဖြစ်သည်။
ရုရှားသမ္မတ ဗလာဒီမာပူတင်နှင့် ယူကရိန်းသမ္မတ ဗိုလိုဒီမာ ဇလန်းစကီးတို့၏ အလားအလာရှိသော လူချင်းတွေ့ဆုံ ဆွေးနွေးပွဲအတွက် ကြာသပတေးနေ့တွင် သူ သည် တုကီယေးသို့ သွားရောက်ရနိုင်ကြောင်းလည်း ထရမ့်ပ်က ပြောကြားခဲ့သည်။
Ref: အေအာအင်န်နူးစ်