မန္တလေးတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်းနှင့် EMI အဖွဲ့မှ Engineer ပညာရှင်များသည် မန္တလေးမြို့မှ လူနေအိမ်အဆောက်အဦးများ၊ အများပြည်သူသုံး အဆောက်အဦးများ ကြံ့ခိုင်မှုကို ပူးပေါင်းစစ်ဆေး ပေးခဲ့ကြကြောင်း သိရသည်။
EMI (Engineering Ministries International) နှင့် MCEF မန္တလေး တို့ပူးပေါင်း၍ မေလ(၁)ရက်မှစ၍ မန္တလေးမြို့တွင် လူနေအိမ် (၂)လုံး၊ ရွှေဆိုင်( ၂ )ဆိုင်၊ ဘုရားကျောင်း (၂) ကျောင်း၊ မန္တလေးတိုင်းရင်းဆေးတက္ကသိုလ် နှင့် မန္တလေးတက္ကသိုလ်တို့ကို စစ်ဆေးခဲ့ပြီးဖြစ်ကာ မေလ(၉)ရက်အထိ ဆက်လက်စစ်ဆေး အကြံပြုပေးသွားမည် ဖြစ်သည်။
မန္တလေးတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်းသည် ဧပြီ(၆)ရက်မှ ယနေ့အထိ နေအိမ်အ ဆောက်အဦး (၃၀၀) ကျော်ကို စစ်ဆေးအကြံပြုပေးခဲ့ပြီးဖြစ် ကြောင်းလည်း သိရသည်။
မန္တလေးမြို့ရှိ မိမိတို့နေအိမ်များကို ကြံခိုင်မှုစစ်ဆေးရန် အကြံပြုအကူအညီလိုအပ်သော အိမ်ပိုင်ရှင်များမှ အကူအညီတောင်းခံလာသော အဆောက်အဦးများကိုလည်း ဆက်လက်စစ်ဆေး အကြံပြုပေးလျက်ရှိကြောင်း သိရသည်။