ရွှေတိဂုံစေတီတော်မြတ်ကြီးအား လုံးတော်ပြည့်ရွှေသင်္ကန်းကပ်လှူပြီးစီးပြီဖြစ်ကြောင်း စေတီတော်မြတ်ကြီး၏ ဘဏ္ဍာတော်ထိန်းဂေါပကအဖွဲ့ဝင်များထံမှ သိရသည်။
ရွှေတိဂုံစေတီတော်မြတ်ကြီးအား ဘက်စုံပြန်လည်ပြုပြင်နေမှုများကို သာသနာရေးနှင့်ယဥ်ကျေးမှုဝန် ကြီးဌာန ဒု-ဝန်ကြီးဦးအေးထွန်းမှ ဧပြီ ၂၇ ရက်နံ နက်ပိုင်းကကြည့်ရှုစစ်ဆေးစဥ် ဘဏ္ဍာတော်ထိန်းဂေါပကအဖွဲ့ဝင်များမှ ရှင်းလင်းတင်ပြခဲ့ကြခြင်း ဖြစ်သည်။
ရွှေတိဂုံစေတီတော်မြတ်ကြီး၏ ဘဏ္ဍာတော်ထိန်းဂေါပကအဖွဲ့ဝင်များက စေတီတော်မြတ်ကြီးအား လုံးတော်ပြည့်ရွှေသင်္ကန်းကပ်လှူပြီးစီးပြီဖြစ်၍ ငြမ်းဖျက်သိမ်းနေမှုနှင့် ဌာနအလိုက်လုပ်ငန်းဆောင်ရွက်မှုတို့ကို ရှင်းလင်းတင်ပြခဲ့ကြသည်။
ထို့ပြင် ဒု-ဝန်ကြီးသည် ရွှေတိဂုံစေတီတော်ငြမ်းဖျက်သိမ်းမှု၊ စေတီတော် အနောက်ဘက်စောင်းတန်းရှိ သွပ်ပန်းတဉ်းများဖြင့် ပြုလုပ်ထားသော မြန်မာမှုပန်းဆွဲလက်ရာများအား ကျွန်းသစ်ဖြင့် ပြုလုပ်ထားသည့် မြန်မာမှုလက်ရာများဖြင့်ပြောင်းလဲတပ်ဆင်နိုင်ရေး ဆောင်ရွက်လျက်ရှိမှု၊ ပြဒါးရှင်ဘု ရားအနီးရှိ လဟာပြင်တန်ဆောင်းအတွင်း ရွှေသင်္ကန်းရောင်မှိန်နေသော ဗုဒ္ဓရုပ်ပွားတော်များနှင့် မျက်နှာကြက်များပြန်လည်ပြုပြင်မွမ်းမံနေမှုတို့ကို ဒု-ဝန်ကြီးက ကြည့်ရှုစစ်ဆေးခဲ့သည်။