ပြိုကျခဲ့သည့် မရှိခဏစေတီတော် နေရာကို ရှင်းလင်းရာမှ ဘုရားဆင်းတုတော်ငယ်များ၊ စိန်ဖူးတော်၊ လက်ဝတ်ရတနာများ၊ ကျောက်အမျိုးမျိုးနှင့် ငွေထည်ပစ္စည်းများ ထပ်မံရှာဖွေတွေ့ရှိ

စစ်ကိုင်းတိုင်းဒေသကြီး၊ စစ်ကိုင်းမြို့၊ မြို့သစ်ရပ်ကွက်ရှိ မရှိခဏ စေတီတော်ကြီး ပြိုကျသည့် နေရာကို ရှင်းလင်းရာ ဘုရားဆင်းတုတော်ငယ်များ၊ စိန်ဖူးတော်၊ လက်ဝတ်ရတနာများ၊ ကျောက်အမျိုးမျိုးနှင့် ငွေထည်ပစ္စည်းများ ထပ်မံရှာ ဖွေတွေ့ရှိခဲ့ကြောင်း မီးသ-တ်တပ်ဖွဲ့ထံမှ သိရသည်။

အင်အားပြင်း ငလျင်လှုပ်ခတ်ခဲ့မှုကြောင့် မရှိခဏ စေတီတော်ကြီး ပြိုကျခဲ့ရပြီး စစ်ကိုင်းမြို့နယ်မီးသ-တ်စခန်းနှင့် မြင်းမူမြို့နယ်မီးစခန်း ရှာဖွေကယ်ဆယ်ရေးတပ်ဖွဲ့ဝင်များမှ ရှင်းလင်းရေး လုပ်ငန်းများ ဆက်တိုက် လုပ်ဆောင်လျက်ရှိရာ ဧပြီ (၂၇)ရက်တွင် ရှာဖွေတွေ့ရှိခဲ့ခြင်းဖြစ်သည်။

ထိုသို့ ရှာဖွေတွေ့ရှိခဲ့သည့် ဘုရားဆင်းတုတော်ငယ်များ၊ စိန်ဖူးတော်၊ လက်ဝတ်ရတနာများ၊ ကျောက်အမျိုးမျိုးနှင့် ငွေထည်ပစ္စည်းများ ဘုရားဂေါပက အတွင်းရေးမှူးထံသို့ လွှဲပြောင်းပေးအပ်ခဲ့ကြောင်း သိရသည်။

ထို့ပြင် ဧပြီ(၂၆) ရက်ကလည်း မရှိခဏ စေတီတော်မြတ်ကြီးအတွင်းမှ စေတီတော် စိန်ဖူးတော် ငှက်မြတ်နားတော်တွင် လှူဒါန်းထားသည့် အမျိုးအမည် (၃၄)မျိုးသော လက်ဝတ် ရတနာနှင့် ရွှေ(၃)ကျပ်သားကို တွေ့ရှိခဲ့ရသဖြင့် သက်ဆိုင်ရာ ကျောင်းထိုင်ဆရာတော်နှင့် ဘုရားဂေါပကအဖွဲ့ထံ လွှဲပြောင်းပေးအပ်ခဲ့ပြီးဖြစ်ကြောင်းလည်း သိရသည်။

မတ်လ (၂၈)ရက်က လှုပ်ခတ်ခဲ့သည့် အင်အားပြင်းငလျင်ဒဏ်ကြောင့် နေပြည်တော်ကောင်စီနယ်မြေ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ် အရှေ့မြောက်ဒေသ၊ ပဲခူးတိုင်းဒေသကြီးတိုတွင် အဆောက်အဦး ထိခိုက်ပျ-က်စီး လူထိခို‌ေ-သဆုံးမှု အများဆုံးကြုံတွေ့ခဲ့ရပြီး လက်ရှိ ငလျင်ဘေးသင့် ဒေသအသီးသီး၌ ရှင်းလင်းရေးလုပ်ငန်းများ လုပ်ဆောင်လျက်ရှိကြောင်း သိရသည်။