ငလျင်သင့်ပြည်သူများအတွက် KBZ Pay အလှူဒါန (Donation)အစီအစဉ်တွင်ထည့်သွင်းထားသည့် အဖွဲ့အစည်း(၄)ဖွဲ့အတွက် ဧပြီ(၂၅)ရက်အထိ ကျပ်သိန်းပေါင်း (၁,၀၀၀) ကျော်လက်ခံရရှိထားပြီဖြစ်ကြောင်း ကမ္ဘောဇဘဏ်က အသိပေးထုတ်ပြန်ချက်အရ သိရသည်။
ငလျင်သင့်ပြည်သူများအတွက် မြန်မာနိုင်ငံတစ်ဝန်းရှိ ပြည်သူများအနေဖြင့် ပါဝင်ကူညီလှူဒါန်းနိုင်ရန် KBZ Pay ၏ အလှူဒါန(Donation) အစီအစဉ်ကို ပြုလုပ်ခဲ့ရာ ယင်းအစီအစဉ်အတွင်း မြန်မာနိုင်ငံလူမှုကယ်ဆယ်ရေးအဖွဲ့ (Myanmar Rescue Organization)၊ မြန်မာနိုင်ငံကြက်ခြေနီအသင်း (Myanmar Red Cross Society) ၊ ရွှေမင်းသားဖောင်ဒေးရှင်း (Shwe Minn Tha Foundation)နှင့် “နေ” လူထုကျန်းမာရေး (Sun Community Health)စသည့်အဖွဲ့ (၄)ဖွဲ့ကို ယခုဧပြီလဆန်းမှ စတင်၍ ထည့်သွင်းပေးခဲ့ခြင်းဖြစ်ကြောင်း သိရသည်။
အဆိုပါ အဖွဲ့(၄)ဖွဲ့အတွက် မြန်မာနိုင်ငံတစ်ဝန်းမှ လူသားချင်းစာနာစိတ်ဖြင့် စေတနာသဒ္ဒါထက်သန်စွာ ထည့်ဝင်လှူဒါန်းရာတွင် မြန်မာနိုင်ငံလူမှုကယ်ဆယ်ရေးအဖွဲ့ (Myanmar Rescue Organization)အတွက် ကျပ်သိန်း ၆၉,၄၂၀,၄၃၈ ၊ မြ န်မာနိုင်ငံကြက်ခြေနီအသင်း (Myanmar Red Cross Society) အတွက် ကျပ်သိန်း ၂၉,၆၉၆,၁၂၆ ၊ ရွှေမင်းသားဖောင်ဒေးရှင်း (Shwe Minn Tha Foundation) အတွက် ကျပ်သိန်း ၈,၂၈၅,၃၆၃ ၊ ‘နေ’လူထုကျန်းမာရေး (Sun Community Health)အတွက် ကျပ်သိန်း ၉,၈၂၈,၉၂၃ လက်ခံရရှိခဲ့ကြောင်း သိရသည်။
အဆိုပါ KBZ Pay အလှူဒါန (Donation) မှတစ်ဆင့် လှုဒါန်းမှုများသည် သက်ဆိုင်ရာအဖွဲ့အစည်းများထံသို့ ရာနှုန်းပြည့်အချိန်နှင့်တပြေးညီ ရောက်ရှိသွားမည်ဖြစ်ပြီး ပါဝင်လှူဒါန်းလိုပါက KBZ Pay၏ Home Page သို့ ဝင်ရောက်ပြီး Donation (အလှူဒါန) မှ မိမိလှုဒါန်းလိုသည့် အဖွဲ့အစည်းအား ရွေးချယ်ကာ လှူဒါန်းလိုသော ပမာဏကို ရိုက်ထည့် လှုဒါန်းနိုင်ကြောင်း အသိပေးထားသည်။