မလေးရှားပင်လယ်ရေပြင်သို့ ငွေကျပ်(၉၆)ဘီလီယံကျော်တန်ဖိုးရှိ မူး-ယစ်ဆေးဝါးများအား ပို့ဆောင်ရောင်းချမည့် AA စီးပွားရေးတာဝန်ခံစီမံခန့်ခွဲနေသည့် မူး-ယစ်မှောင်ခိုဂိုဏ်းအဖွဲ့ဝင်များအား ရန်ကုန်မြို့၌ ဖမ်းဆီးရမိခဲ့ကြောင်း မူးယ-စ်ဆေးဝါးတားဆီးနှိမ်နင်းရေးရဲတပ်ဖွဲ့ထံမှ သိရသည်။
မူးယ-စ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် မတ် ၆ ရက်ည ၇ နာ ရီခွဲက ဒဂုံမြို့သစ်(တောင်ပိုင်း)မြို့နယ်၊ (၁၄၄)ရပ် ကွက်၊ ဆင်ဖြူရှင်လမ်းရှိ ဂိုဒေါင်တစ်လုံးအားဝင်ရောက်ရှာဖွေစစ်ဆေးရာ သန်းလွင်၊ ဝေယျာအောင် (ခ)သားကြီး၊ သန့်ကောင်းဆက်(ခ)ပေါင်ချိန်၊ ရဲရင့်နိုင်၊ လှသန်းဦး(ခ)ရာကွတ်တို့အား အိုက်စ်(၁ ဒသ မ ၂ တန်)နှင့်အတူဖမ်းဆီးရမိခဲ့ကြောင်း သိရသည်။
စစ်ဆေးချက်များအရ သိမ်းဆည်းရမိခဲ့သည့် အိုက်စ်များအား “ဝ” ကိုယ်ပိုင်အုပ်ချုပ်ခွင့်ရဒေသ၊ ပန်ဆန်းမြို့နေထိုင် တင်မောင်ဝင်း၏အစီအမံဖြင့် သန်းလွင်မှ တာဝန်ခံသယ်ဆောင်ရောင်းဝယ်ကာ သန်းလွင်ထံမှ အိုက်စ်များအား ရန်ကုန်မြို့တွင်တစ်ဆင့်ပြန်လည်ရောင်းချသူ ဟိန်းစည်သူ(ခ)ဇော်ဇော်အောင်(ခ)အောင်ကိုကို(ခ)ထင်လင်းပြည့်၊ ချိတ် ဆက်ပေးသူ တင်လှ(ခ)စသစ်၊ မတ် ၆ ရက်ညပိုင်းတွင်လည်း ကျော်ကျော်သိန်း(ခ)ကျော်ကျော်(ခ)အ သေးလေးအား ၎င်းမောင်းလာသည့် HYUNDAI BOX ကားပေါ်မှ အိုက်စ်(၁ ဒသမ ၂၆၅ တန်)နှင့် ကက်တမင်း(၂၀၀)ကီလိုနှင့်အတူ ထပ်မံဖမ်းဆီးရမိခဲ့ကြောင်း သိရသည်။
စစ်ဆေးချက်များအရ ယင်း စိတ်ပြောင်းဆေးဝါးများအား မလေးရှားပင်လယ်ရေပြင်သို့ ချိတ်ဆက်ပို့ဆောင်ရောင်းချရန်စီမံခန့်ခွဲသူမှာ AA စီးပွားရေးတာဝန်ခံ ရဲဝင်း(ခ)ကျော်စိုးလင်းနှင့် ၎င်း၏ဇနီးဖြစ်သူ “ရွှေကောင်းသာ”စက်လှေပိုင်ရှင် မသီတာမြင့်တို့ဖြစ်ကြောင်း ဖော်ထုတ်သိရှိခဲ့ရပြီး ရန်ကုန်မြို့တွင် မူး-ယစ်ဆေးဝါးများလက်ခံ၍ “ရွှေကောင်းသာ”စက်လှေဖြင့် မလေးရှားပင်လယ်ပြင်သို့ တာဝန်ခံပို့ ဆောင်သူ မင်းမင်းစိုး၊ မလေးရှားသို့ မူးယစ်ဆေးဝါးများပို့ဆောင်ရာတွင် ဦးစီးလုပ်ကိုင်သူ မျိုးမင်းစိုး (ခ)ကိုမျိုးတို့ကို ထပ်မံဖမ်းဆီးရမိခဲ့ပြီးနောက် မျိုးမင်းစိုး(ခ)ကိုမျိုးနေထိုင်သည့် ဒဂုံမြို့သစ်(မြောက်ပိုင်း)မြို့နယ်ရှိ နေအိမ်မှ အိုက်စ်(၁ တန်)ကို ထပ်မံသိမ်းဆည်းရမိခဲ့ကြောင်း သိရသည်။
ထို့အတူ စိတ်ပြောင်းဆေးဝါးများအား မလေးရှားပင်လယ်ပြင်သို့ “ရွှေကောင်းသာ”စက်လှေဖြင့် သယ်ဆောင်ရာတွင်ပူးပေါင်းပါဝင်သည့် ကျော်ဝေထွန်း၊ သိန်းထွန်း(ခ)သန့်ဇင်၊ ရန်ရှင်းအောင်နှင့် ဇော်ဇော်အောင်တို့အား ယင်း စက်လှေနှင့်အတူ ထပိမံဖမ်းဆီးရမိခဲ့သဖြင့် စုစုပေါင်း ငွေကျပ်(၉၆ ဒသမ ၆၂၅)ဘီလီယံတန်ဖိုးရှိ အိုက်စ်(၃ ဒသမ ၄၆၅ တန်)၊ ကက်တမင်း(၂၀၀)ကီလိုတို့ကို ဖမ်းဆီးရမိခဲ့ကြောင်း သိရသည်။
ထို့အတူ AA စီးပွားရေးတာဝန်ခံ ရဲဝင်း(ခ)ကျော်စိုးလင်းနှင့် ၎င်း၏ဇနီး မသီတာမြင့်တို့သည် တန့်ယန်း ၊ တောင်ကြီး၊ မန္တလေးနှင့် ရန်ကုန်မြို့တို့တွင် ကား ဂိတ်များဖွင့်လှစ်၍ ၎င်းတို့ပိုင်ခရီးသည်တင်မှန်လုံကား(၁၆)စီးဖြင့် သယ်ယူပို့ဆောင်ရေးလုပ်ငန်းများ လုပ်ကိုင်လျက်ရှိကြောင်းသိရ၍ ၎င်းတို့အား မူး-ယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရအမှုဖွင့်ကာ မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအ ကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ်သိမ်းဆည်းနိုင်ရန် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူနိုင်ရေး အတွက် တာဝန်ရှိသူများကဆောင်ရွက်လျက်ရှိကြောင်း သိရသည်။