ရုရှားနှင့်အမေရိကန်ကိုယ်စားလှယ်များ တူရကီတွင် တွေ့ဆုံဆွေးနွေး

ဝါရှင်တန်နှင့် မော်စကိုရှိ သက်ဆိုင်ရာ သံရုံးများ၏ လုပ်ငန်းပိုင်းဆိုင်ရာ အငြင်းပွားမှုများကို ဖြေရှင်းရန် ရည်ရွယ်သည့် ရုရှား-အမေရိက ဆွေးနွေးပွဲအတွက် ရုရှား အစိုးရကိုယ်စားလှယ်အဖွဲ့သည် တူရကီနိုင်ငံ အစ္စတန်ဘူလ်မြို့ရှိ အမေရိကန်ကောင်စစ်ဝန်ချုပ်၏ နေအိမ်‌တော်သို့ ကြာသပတေးနေ့(ဖေဖော်ဝါရီ ၂၇) တွင် ရောက်ရှိလာကြောင်း သိရသည်။

ဆွေးနွေးမှု အကြောင်းအရာနယ်ပယ်သည် ကျဉ်းမြောင်းပြီး ယူကရိန်းပါဝင်မည် မဟုတ်သော်လည်း နှစ်ဖက်ဆက်ဆံရေးကို ပြုပြင်ရန်နှင့် စစ်ပွဲအဆုံးသတ်ရေး ဆောင်ရွက်ချက်များနှင့် ပတ်သက်၍ နှစ်ဖက်၏ အလေးအနက်ထားမှုကို စမ်းသပ်မှုဖြစ်စေမည်ဖြစ်သည်။

ဖေဖော်ဝါရီ ၁၂ ရက်က သမ္မတ ဗလာဒီမာ ပူတင်နှင့် ဒေါ်နယ်ထရမ့်ပ်တို့ ဖုန်းဆက်သွယ်ပြောဆိုမှု၊ ဖေဖော်ဝါရီ ၁၂ ရက်က နှစ်ဖက် အဆင့်မြင့်အရာရှိအဆင့် သံတမန်များ ဆော်ဒီအာရေဗျတွင် တွေ့ဆုံခဲ့ကြမှုအပြီး၌ ယခုထပ်မံ တွေ့ဆုံဆွေးနွေးကြခြင်းဖြစ်သည်။

လုပ်ငန်းအဆင့် အရာရှိများ ဦးဆောင်မည့် ကြာသပတေးနေ့ ဆွေးနွေးပွဲသည် ယူကရိန်းအရေး သို့မဟုတ် နိုင်ငံရေးနှင့် လုံခြုံရေးဆိုင်ရာ ကိစ္စရပ်များ ပါဝင်မည် မဟုတ်သော်လည်း မော်စကို၏ ရည်ရွယ်ချက်ကို စမ်းသပ်မှုတစ်ခုအဖြစ် ဆက်လက်ရှုမြင်မည်ဖြစ်ကြောင်း အမေရိကန်နိုင်ငံခြားရေးဝန်ကြီးဌာနက ပြောကြားခဲ့သည်။

ဆွေးနွေးမှုများသည် အမေရိကန်ပြည်ထောင်စုရှိ ရုရှား သံတမန်များနှင့် ရုရှားနိုင်ငံရှိ အမေရိကန်သံတမန်များအတွက် ပိုမိုကောင်းမွန်သော အခြေအနေများ ဖန်တီးပေးရေးကို အာရုံစိုက်မည်ဖြစ်ကြောင်း ရုရှားနိုင်ငံခြားရေးဝန်ကြီး ဆာဂေး လက်ဗ်ရော့ဗ်က ပြောကြားခဲ့သည်။

Ref: အယ်လ်အာရေဗျ