Gulfood Dubai တွင်ကျင်းပနေသော ပြခန်းပေါင်း ၅၅၀၀ကျော် ကမ္ဘာ့အကြီးဆုံး စားသောက်ကုန်ပြပွဲကို ဖေဖော်ဝါရီ ၁၇ မှ ၂၁ ထိ Dubai World Trade Center တွင်ကျင်းပလျှက်ရှိသည်။
Gulfood ပွဲသည် ဖောက်သည်အသစ်များနှင့် ရှိပြီးသားဝယ်လက်အားလုံးကို တစ်နေရာတည်းတွင် ချိတ်ဆက်နိုင်သည့် အခွင့်အရေးရှိသည့်ပွဲကြီးဖြစ်သည်။ စားသောက်ကုန် နှင့်ပတ်သတ်သည့်တီထွင်ဆန်းသစ်မှုများကိုလည်း အကဲဖြတ် ဆုပေးသည့်အစီအစဥ်လည်းပါရှိသည်။
မြန်မာနိုင်ငံမှ Asia Winner Industrial Ltd. သည်လည်း ဆိုင်ခန်းအမှတ် Za’beel Plaza ZP-39 တွင်ပြသလျှက်ရှိသည်။
Asia Winner Industrial Ltd ၏ ဒါရိုက်တာတစ်ဦးဖြစ်သော အာသာနိုင်ဝင်းအောင်က ” ကျွန်တော်တို့၏စက်ရုံအနေနဲ့ EU ကခွင့်ပြုထားတဲ့ HACCP နှင့် GACC လက်မှတ်ရရှိထားပါတယ်။ ကျွန်တော်တို့ ပဲမျိုးစုံ၊ ဆန်၊ ဟင်းခတ်အမွှေးအကြိုင်များ၊ မန်ကျည်းစေ့၊ အစေ့အဆန်များ အစရှိတဲ့ လယ်ယာထွက်ကုန်များ၊ အေးခဲအဏ္ဏဝါထုတ်ကုန်များ၊ ငါးခြောက်များ၊ အေးခဲဟင်းသီးဟင်းရွက်များနှင့်ဘလချောင်ကြော်၊သရက်သီးသနပ် ၊ စည်သွတ်အစားအစာ စတဲ့မြန်မာ့ထုတ်ကုန်တွေကို ကမ္ဘာတစ်ဝှမ်းတင်ပို့ရောင်းချနိုင်မယ်လို့မျှော်လင့်ထားပါတယ်”ဟုဆိုသည်။