အမေရိကသာ မကူညီပါကယူကရိန်းမှာ‌ေ-သဘွယ်ရာသာရှိ–ဇလန်းစကီး

ဖေဖော်ဝါရီ၊ ၁၅

ယူကရိန်းသည် အဓိက မဟာမိတ် အမေရိက ၏ ပံ့ပိုးကူညီမှုကို ဆုံးရှုံးသွားလျှင် ရုရှား၏ စစ်ပွဲကို ရင်ဆိုင်ရာ၌ အသက်ရှင်ကျန်ရစ်ရန် မဖြစ်နိုင်ကြောင်း သမ္မတ ဗိုလာဒီမာ ဇလန်းစကီး က ယခုသီတင်းပတ်အတွင်း အမေရိကန်သမ္မတ ဒေါ်နယ်ထရမ့် က ဇလန်းစကီး နှင့် ရုရှားသမ္မတ ဗလာဒီမီရ် ပူတင် တို့ထံ ဖုန်းခေါ်ဆိုပြီးနောက် သောကြာနေ့တွင် ပြောကြားခဲ့သည်။

“ဖြစ်နိုင်တယ်၊ဒါမဲ့ အရမ်းခက်လိမ့်မယ်။ သေချာပါတယ်၊ ခက်ခဲတဲ့အခြေအနေတိုင်းမှာ တစ်စုံတစ်ခုအတွက် အခွင့်အရေးရှိတယ်။ ဒါပေမယ့် ကျွန်တော်တို့မှာ အခွင့်အလမ်းနည်းပါတယ် – အမေရိကန်ပြည်ထောင်စုရဲ့ ကူညီပံ့ပိုးမှုမပါဘဲ ရှင်သန်ဖို့ အခွင့်အလမ်းနည်းပါတယ်” ဟု ဇလန်းစကီး က NBC News အစီအစဉ် “Meet the Press” နှင့် တွေ့ဆုံမေးမြန်းခန်းတွင် ပြောကြားခဲ့သည်။

တနင်္ဂနွေနေ့တွင် ထုတ်လွှင့်မည့် အင်တာဗျူးမှ ကောက်နုတ်ချက်ကို သောကြာနေ့တွင် ကြိုတင်ထုတ်ပြန်ခဲ့သည်။

ထရမ့် သည် အမေရိကန်သမ္မတ၏ ပထမဆုံး သံတမန်ရေးရာ ခြေလှမ်း အနေဖြင့် စစ်ပွဲကို အမြန်အဆုံးသတ်မည်ဟု ကတိပြုထားသည့် ပဋိပက္ခ ကြောင့် ပူတင်နှင့် ဇလန်းစကီး တို့ ကို သီးခြား ဖုန်းခေါ်ဆိုကာ စစ်ပွဲအကြောင်းကို ဗုဒ္ဓဟူးနေ့က ဆွေးနွေးပြောဆိုခဲ့သည်။

ထရမ့်က ယူကရိန်းအနေဖြင့် နေတိုးအဖွဲ့ထဲဝင်ဖို့ သည် ကိယက်ဗ်အတွက် လက်တွေ့မကျဟု ပြောဆိုခဲ့ပြီး နောက်ပိုင်းမှာ ယူကရိန်းက သူ့ရဲ့နယ်မြေဒေသအားလုံးကို ပြန်လည်ရနိုင်ဖွယ်မရှိကြောင်းပြောဆိုထားသည်။ ခရိုင်းမီးယားကို ၂၀၁၄ ခုနှစ်တွင် သိမ်းပိုက်ခဲ့သော ရုရှားသည် ၂၀၂၂ ခုနှစ် ဖေဖော်ဝါရီလတွင် ယူကရိန်းကို အပြည့်အ၀ ကျူးကျော်ဝင်ရောက်ခဲ့ပါသည်။

ယူကရိန်းက ရုရှားကို သိမ်းပိုက်ထား သောနယ်မြေများမှ ဆုတ်ခွာပေးဖို့ တောင်းဆိုထားပြီး နေတိုး အဖွဲ့ဝင်အဖြစ် သို့မဟုတ် မော်စကို၏ ထပ်မံတိုက်ခိုက်ခြင်းမှ တားဆီးဖို့ တူညီသော လုံခြုံရေး အာမခံချက်ကိုပေးရမည်ဟု ပြောကြားခဲ့သည်။

ပူတင်က စစ်ပွဲအဆုံးသတ်ရန်မဟုတ်ဘဲ ရုရှားအပေါ် ကမ္ဘာလုံးဆိုင်ရာ ပိတ်ဆို့အရေးယူမှုအချို့ကို ရုတ်သိမ်းရန်နှင့် မော်စကို၏စစ်တပ်ကို ပြန်လည်စုဖွဲ့ခွင့်ပေးရန် အပစ်အခတ်ရပ်စဲရေး သဘောတူညီချက်ရယူရန်အတွက်သာ ပူတင်က စေ့စပ်ညှိနှိုင်းရေးစားပွဲသို့ လာလိုကြောင်း အင်တာဗျူးတွင် ဇလန်းစကီး က ပြောကြားခဲ့သည်။

“ဒါက သူတကယ်လိုချင်တာပါ။ သူက အနားယူပြီး ပြင်ဆင်၊ လေ့ကျင့်ပြီး၊ အပ-စ်အခတ်ရပ်စဲရေး ကြောင့် ပိတ်ဆို့မှုအချို့ကို ယာယီသက်သာစေဖို့အတွက်ပါ” ဟု ဇလန်းစကီက ပြောကြားခဲ့သည်။

ထရမ့်သည် ပူတင်နှင့် ပြောဆိုခဲ့သော တယ်လီဖုန်းခေါ်ဆိုမှုသည် တစ်နာရီကျော်ကြာဆွေးနွေးခဲ့ပြီး အလွန်ကောင်းမွန်ခဲ့ကြောင်း ပြောကြားခဲ့သည်။ ခရမ္မလင် အနေဖြင့် ၎င်းတို့သည် တစ်နာရီခွဲကျော် ဆွေးနွေးခဲ့ကြောင်းဆိုထားပြီး ဇလန်းစကီး၏ ရုံးမှ ၎င်းတို့၏ ခေါ်ဆိုမှုသည်လည်း တစ်နာရီခန်ကြာအောင် ဆွေးနွေးခဲ့ကြောင်း ပြောကြားခဲ့သည်။ ထရမ့်က ထိုဖုန်းခေါ်ဆိုမှု “အလွန် အဆင်ပြေခဲ့သည်” ဟု ပြောကြားခဲ့သည်။

Ref: ရိုက်တာ