တရုတ်သမ္မတ ရှီကျင့်ဖျင်သည် ကြာသပတေးနေ့က မြို့တော်ပေကျင်း၌ ထိုင်းဝန်ကြီးချုပ် ပေတုံတန် ရှင်နာဝပ်ထရာကို လက်ခံတွေ့ဆုံခဲ့သည်ဟု ရှင်းဟွာသတင်းဌာနက ပြောကြားခဲ့သည်။
မစ္စပေတုံတန်သည် တရုတ်သမ္မတကို ပြည်သူ့ခန်းမတွင် သွားရောက်တွေ့ဆုံခဲ့သည်ဟု အစိုးရအိမ်တော်က ပြောသည်။
သူ၏ တရုတ်နိုင်ငံ သို့ အစိုးရ ခရီးစဉ် အဖြစ် သွားရောက်စဉ်အတွင်း အွန်လိုင်းငွေလိ-မ်ဂိုဏ်းများ အဆုံးသတ်ရေးအတွက် နှစ်နိုင်ငံပူးပေါင်းဆောင်ရွက်မည့် ကိစ္စသည် ပေကျင်းနှင့် အဓိကဆွေးနွေးကြမည့် အကြောင်းအရာတစ်ခုဖြစ်လိမ့်မည်ဟုသိရသည်။
ရှီနှင့် တွေ့ဆုံမည်ဖြစ်သကဲ့သို့ နှစ်နိုင်ငံ ပူးပေါင်းဆောင်ရွက်ရေးကိစ္စရပ်များနှင့် ပတ်သက်၍ ကျယ်ကျယ်ပြန့်ပြန့်ဆွေးနွေးရန်အတွက် ကြာသပတေးနေ့တွင် နိုင်ငံတော်ပြည်သူ့ကွန်ဂရက် အမြဲတမ်းကော်မတီဥက္ကဌ Zhao Leji နှင့် တွေ့ဆုံသွားမှာဖြစ်ကြောင်းလည်း ဝန်ကြီးချုပ်က အစောပိုင်းတွင် ပြောကြားထားသည်။
ထိုင်းနိုင်ငံသည် တရုတ်ခရီးသွားများအပါအဝင် ခရီးသွားအားလုံး၏ ဘေးကင်းလုံခြုံရေးကို အကာအကွယ်ပေးရန်အသင့်ရှိကြောင်း မစ္စပေတုံတန်က ပြောကြားခဲ့သည်။ ထိုင်းနိုင်ငံရှိ ခရီးသွားလုပ်ငန်းနှင့် ပတ်သက်၍ သတင်းအချက်အလက်အမှားများ ဖြန့်နေသာ အွန်လိုင်းပလက်ဖောင်းများကို စစ်ဆေးပေးရန် သူက တရုတ်ကို တောင်းဆိုသွားမည်ဖြစ်သည်။
အွန်လိုင်းငွေလိ-မ်ဂိုဏ်းများနှင့် အခြား အွန်လိုင်း ရာဇဝတ်လုပ်ရပ်များကို အမြစ်ပြတ်နှိမ်နင်းရေး အတွက်လက်တွဲလုပ်ဆောင်ရန် အရေးကြီးကြောင်းကို သူက အလေးပေးပြောကြားခဲ့သည်။ ယင်းပြသနာကို ဖြေရှင်းရန် နည်းပညာပိုင်း ပံ့ပိုးမှုကို လိုအပ်မည်ဖြစ်သည်။
သူ၏ ခရီးစဉ်အတွင်း ထိုင်းနှင့် တရုတ်နိုင်ငံတို့အကြား နယ်ပယ်အသီးသီးတွင် နားလည်မှုစာချွန်လွှာ(MoU) ၁၄ ခုထက်မနည်း လက်မှတ်ရေးထိုးသွားမည်ဟု မစ္စ ပေတုံတန်က ပြောကြားထားသည်။
Ref: ဘန်ကောက်ပို့စ်