Big S ဟု လူသိများကြသည့် နာမည်ကြီး ရုပ်သံဒရာမာဇတ်လမ်းတွဲ Meteor Garden(၂၀၀၁) ၏ ထိုင်ဝမ်သရုပ်ဆောင်မင်းသမီး ဘာဘီဆု သည် အသက် ၄၈ နှစ်အရွယ်တွင် ကွယ်လွန်သွားကြောင်း သိရသည်။
သူ၏ မိသားစုက မန်နေဂျာဖြစ်သော ညီမဖြစ်သူ(ထိုင်ဝမ် ရုပ်သံအစီအစဉ်တင်ဆက်သူ ဒီးဆု) မှတဆင့် ထိုင်ဝမ်မီဒီယာများကို သတင်းထုတ်ပြန်ပေးခဲ့ရာ သူကွယ်လွန်သောသတင်းကို ဖေဖော်ဝါရီလ ၃ ရက် နေ့တွင် အတည်ပြု ဖော်ပြခဲ့ကြခြင်းဖြစ်သည်။
ထိုင်ဝမ်သတင်းဌာန Star ETToday ၏ ဖော်ပြချက်အရ တရုတ်ဘာသာဖြင့် ရေးသားထားသော အဆိုပါ သတင်းကို ထုတ်ပြန်ရာတွင်” စိုးရိမ်ပေးခဲ့သူအားလုံးကို ကျေးဇူးတင်ပါတယ်။ တရုတ်နှစ်သစ်ကူးကာလမှာ ကျွန်မတို့ မိသားစုအားလုံး ဂျပန်နိုင်ငံကို အပန်းဖြေခရီးထွက်ခဲ့ကြပါတယ်၊ ကျွန်မရဲ့ ချစ်လှစွာသော အစ်မကြီး ဘာဘီ ဟာ တုပ်ကွေးနဲ့ ဆက်နွယ်တဲ့ အဆုတ်ရောင်ရောဂါ နျူမိုးနီးယားကူးစက်ခံရပြီး ကျွန်မတို့အားလုံးကို ထားရစ်သွားခဲ့ပါတယ်” ဟု ဖော်ပြထားသည်။
ဘာဘဖီဆု ေ-သဆုံးသော အချိန်နှင့် နေရာကို ထုတ်ပြန်ချက်တွင် ရှင်းလင်းစွာ မဖော်ပြခဲ့ပေ။ ထိုင်ဝမ်သတင်းများ၏ ဖော်ပြချက်အရ ဆု ၏ မိသားစုသည် ဂျပန်မှာပင် ရှိနေသေးကြောင်းနှင့် သူ့ကို ဂျပန်မှာပင် မီးသ-ဂြိုဟ်၍ အရိုးပြာကို ထိုင်ဝမ်သို့ ပြန်လည်ယူဆောင်ဖွယ်ရှိသည်ဟု သတင်းရင်းမြစ်များက ပြောဆိုခဲ့သည်။
နိုင်ငံခြားသားနှင့် လက်ထပ်ခဲ့သော ထိုင်းဝမ်နာမည်ကျော်သရုပ်ဆောင်သည် အသက် ၄၈ နှစ်အရွယ်တွင် ကွယ်လွန်ခဲ့ပြီဟု ဖေဖော်ဝါရီ ၂ ရက်တွင် အင်တာနက်အသုံးပြုသူတစ်ဦးက ဖေ့စ်ဘုတ်ပေါ်တင်ခဲ့သဖြင့် တောင်ကိုရီးယား ဂီတပညာရှင် Koo Jun-yup နှင့် လက်ထပ်ခဲ့သည့် ဆု ေ-သဆုံးပြီဆိုသော ကောလာဟလများ ပျံ့နှံ့ခဲ့ပြီးနောက် ယခုသတင်းထွက်လာခြင်းဖြစ်သည်။
Ref: သည်စထရိတ်တိုင်းမ်စ်