2024 ASEAN Shopee Cup အုပ်စုပွဲစဉ်(၄) ၏ ပွဲစဉ်အဖြစ် ရန်ကုန်မြို့၊ သုဝဏ္ဏကွင်း၌ ယနေ့ ညနေပိုင်းတွင် BG Pathum United (ထိုင်း)အသင်းနှင့် ရှမ်းယူနိုက်တက်အသင်းတို့ ယှဉ်ပြိုင်ကစားကြရာ ရှမ်းယူနိုက်တက်အသင်း ဂိုးပြတ်ရှုံးနိမ့်သွားသည်။
ရှမ်းယူနိုက်တက်အသင်းသည် ပထမပိုင်းတွင် BG Pathum Unitedအသင်းကို တစ်ဂိုးအသာဖြင့် ဦးဆောင် ကစားနိုင်ခဲ့သော်လည်း ဒုတိယပိုင်းတွင်မူ ချေပဂိုးနှင့် အနိုင်ဂိုးများပါ ပြန်ပေးရကာ ရှုံးနိမ့်သွားခြင်း ဖြစ်သည်။
ရှမ်းယူနိုက်တက်အတွက် ဦးဆောင်ဂိုးကို ရှမ်းယူနိုက်တက် ကစားသမားဖြစ်သူ Bakayokoက မိနစ် သုံးဆယ်တွင် သွင်းယူပေးနိုင်ခဲ့ခြင်း ဖြစ်သည်။
ယခုပွဲ အရှုံးကြောင့် ရှမ်းယူနိုက်တက်အသင်းသည် လေးပွဲကစားရာ၌ လေးပွဲစလုံးရှုံးနိမ့်ထားကာ ရဂိုး ၅ဂိုး၊ ပေးဂိုး ၁၆ ဂိုး ဖြင့် အုပ်စုအောက်ဆုံးတွင် ရပ်တည်နေသည်။
ရှမ်းယူနိုက်တက်အသင်းသည် အုပ်စု (A)အတွင်း ထိုင်းကလပ် BG Pathum United အသင်း ၊ မလေးရှားကလပ် Terengganu အသင်း၊ အင်ဒိုနီးရှားကလပ် PSM မာကာဆာ အသင်း၊ ဗီယက်နမ်ကလပ် Dong A Thanh Hoa အသင်း ၊ ကမ္ဘောဒီးယားကလပ် Svay Rieng အသင်းတို့နှင့် ယှဉ်ပြိုင်နေရခြင်းလည်းဖြစ်သည်။
ရှမ်းယူနိုက်တက်သည် အနီးစပ်ဆုံး ပွဲစဉ်အဖြစ် ဖေဖော်ဝါရီ (၅) ရက်တွင် ကမ္ဘောဒီးယားကလပ် Svay Rieng အသင်းကို အဝေးကွင်း၌ သွားရောက်ယှဉ်ပြိုင်ကစားရအုံးမည် ဖြစ်သည်။