ယနေ့ ဇန်နဝါရီ (၁၈)ရက် ညနေ (၃)ရာရီအချိန်တွင် မြန်မာနေရှင်နယ်လိဂ် ပွဲစဉ် (၁၆)အတွင်း ရှမ်းယူနိုက်တက်အသင်းနှင့် ရန်ကုန်ယူနိုက်တက်အသင်းတို့ ယှဉ်ပြိုင်ကစားကြရာ ရှမ်းယူနိုက်တက်အသင်းက ရန်ကုန်ယူနိုက်တက်အသင်းအား (၁)ဂိုး ဂိုးမရှိဖြင့် အနိုင်ရကာ ရှုံးပွဲမရှိ စံချိန်ကို ထိန်းထားနိုင်ခဲ့သည်။
အဆိုပါ အသင်း(၂)သင်းသည် စုဖွဲ့မှု အားကောင်းပြီး ချ န်ပီယံဆုများကို (၅) ကြိမ်စီ ပိုင်ဆိုင်ထားသည့် အသင်းများဖြစ်သည်။
ယနေ့ပွဲစဉ်အတွင်း ရှမ်းယူနိုက်တက်ဘက်မှ နိုင်ငံခြားသား ကစားသမား (၅)ဦးထိ ပွဲထွက် ပါဝင်ကစားခဲ့ကြကာ ၊ ရန်ကုန်ယူနိုက်တက်အသင်းက ပြည်တွင်းကစားသမားများဖြင့်သာ ရင်ဆိုင်ကစားခဲ့ကြခြင်းဖြစ်သည်။
ယနေ့ ရှမ်းယူနိုက်တက်အသင်း ပွဲထွက်လူစာရင်းတွင် ဇွဲခန့်မင်း၊ နန္ဒကျော်၊ ဟိန်းဖြိုးဝင်း၊ DA Silve ၊ Paul ၊ ကျော်ဇင်ဖြိုး၊ Ryuji ၊ ဇွဲထက်မင်း၊ Biassi ၊ မြတ်ကောင်းခန့်၊ Mark Serki တို့ ပါဝင်ခဲ့သည်။
အလားတူ ရန်ကုန်ယူနိုက်တက် ပွဲထွက်လူစာရင်းတွင် ဟိန်းဇေယျာလင်း၊ ဒေးဗစ်ဟန်၊ ကျော်ဖြိုးဝေ၊ ဇော်ဝင်သိန်း၊ ကောင်းစည်သူ၊ ဥက္ကာနိုင်၊ မင်းကျော်ခန့်၊ ဧစိုး၊ ဝေလင်းအောင်၊ ဆန်းဆက်နိုင်၊ လှိုင်းဘိုဘိုတို့ ပွဲထွက်ကစားခဲ့ကြသည်။
၎င်းတို့ နှစ်သင်း ပထမအကျော့တွေ့ဆုံမှုအား တောင်ကြီးမြို့၌ ယှဉ်ပြိုင်ကစားခဲ့ကြကာ (၂)ဂိုးစီဖြင့် သရေရလဒ်ထွက်ပေါ်ထားပြီး၊ ယနေ့ ဒုတိယအကျော့ တွေ့ဆုံမှု၌ ရှမ်းယူနိုက်အတက်အသင်းက (၁)ဂိုးသွင်းယူ၍ အနိုင်ရခဲ့သ ည်။
လက်ရှိ Myanmar National League Week-15 အပြီး အ မှတ်ပေးဇယားရပ် တည်မှုအရ ရှမ်းယူနိုက်တက်အသင်းမှာ ရမှတ် (၄၃) မှတ်ဖြင့် အဆင့် (၁)၊ ရန်ကုန်ယူနိုက်တက် အသင်းမှာ ရမှတ် (၃၅)မှတ် ဖြင့် အဆင့် (၃)နေရာများတွင် ရပ်တည်လျက်ရှိကြောင်း သိရသည်။
ယခုနှစ် ကျင်းပနေသည့် မြန်မာနေရှင်နယ်လိဂ်ပြိုင်ပွဲသ ည် (၁၅)ကြိမ်မြောက် ရှိပြီဖြစ်ကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်လျက်ရှိသည်။