UFC Flyweightတန်း ချန်ပီယံဖြစ်သူ ချင်းတိုင်းရင်းသား ဂျော့ရှုဝါဗန်ကို ယမန်နေ့ ဇန်နဝါ ရီ (၁၃)ရက်၌ Hall of Fame Award ဆုချီးမြှင့်ပေးအပ်ခံခဲ့ရကြောင်း MMA Myanmar ထံက သိရသည်။
အဆိုပါ ဆုကို Fury FC က ချီးမြှင့်ခဲ့ခြင်းဖြစ်ပြီး၊ ဂျော့ရှုဝါဗန်အနေဖြင့် Fury FC အပျော်တမ်းပွဲကနေ Professional ပွဲများအထိ ကစားခဲ့ပြီး UFC ကိုရောက်ရှိသွားသည့် တစ်ဦးတည်းသောဖိုက်တာဖြစ်ခြင်းကြောင့် ဂုဏ်ပြုချီးမြှင့်ခြင်းဖြစ်ကြောင်း သိရသည်။
Hall of Fame Award ချီးမြှင်ြခြင်းအခမ်း အနားသို့ Fury FC CEO၊ Vice President တို့တက်ရောက်ခဲ့ကြကာ ဂျော့ရှုဝါဗန်နှင့် မိသားစုနှင့်အတူ MMA myanmar Admin အဖွဲ့လည်း တက်ရောက်ခဲ့ကြကြောင်း သိရသည်။
Hall of Fame Award ချီးမြှင့်ခဲ့ခြင်းနှင့်ပတ်သက်၍ ဂျော့ရှုဝါဗန်က ” တကယ်ကောင်းတဲ့ခံစားချက်ပါ။ ဘာလို့လဲဆိုတော့ Fury FC က ကျွန်တော့်ရဲ့ကစားသမားဘဝကို မြှင်တင်ပေးခဲ့ကြတယ်။ UFC ကိူရောက်အောင်လဲ သူတို့ဘဲ လုပ်ပေးကြတာပါ။ Fury FC ချန်ပီယံခါးပတ်ကိုလည်း ဒီမှာရခဲ့တာကြောင့် Fury FC က ကျွန်တော့်အတွက်သမိုင်းတစ်ခု အဖြစ်ရှိနေမှာပါ။ ကျွန်တော့်ကိုအားပေးတဲ့ မြန်မာနိုင်ငံသူ နိုင်ငံသားတွေကိုလည်း ဒီနေရာကနေကျေးဇူးအထူးတင်ပါတယ်”ဟု ဆိုထားသည်။