အရှုံးများက အသင်းအတွက် ပိုမိုသန်မာလာစေသည်ဟု ရှမ်းယူနိုက်တက် နည်းပြချုပ် ဟီရိုကီအို က ယမန်နေ့၌ ပြောကြားသည်။
AFF SHOPEE CUP ပြိုင်ပွဲတွင် ရှမ်းယူနိုက်တက်အသင်းနှင့် တဖိရန်ဂါးနူးအသင်း(မလေးရှား)တို့ ယှဉ်ပြိုင်ကစားခဲ့ရာ ရှမ်းယူနိုက်တက်အသင်းက (၅)ဂိုးပြတ်ဖြင့် ရှူံးနိမ့်ခဲ့ရသည့်ပေါ် ထိုသို့ပြောကြားခဲ့ခြင်းဖြစ်သည်။
” ကစားကွက် အသစ်ကို စသုံးတဲ့ပွဲမှာ ကျွန်တော့်ကစားသမားတွေ အမှားတချို့ လုပ်ခဲ့မိတယ်။ တစ်ချိန်တည်းမှာပဲ အ သင်းရဲ့ အားနည်းချက်တွေကိုလည်း သိလာကြတယ်။ နိုင်ငံတကာ ပွဲတွေမှာအားကောင်းမောင်းသန် ယှဉ်ပြိုင်နိုင်ဖို့ ကျတော့်အသင်းကို တည်ဆောက်နေဆဲ ကာလဖြစ်ပြီး အကောင်းဘက်ကို ရောက် လာမယ်လို့ ယုံကြည်ပါတယ်။တနည်းအားဖြင့် အရှုံးတွေကလည်းကျွန်တော်တို့ အားလုံးကို အရင်ကထက် ပိုပြီးသန်မာစေပါတယ် ” ဟု ဆိုသည်။
ရှမ်းယူနိုက်တက်အသင်းသည် ယခု ဇန်ဝါရီအတွင်း ပွဲစဉ်များးဆက်တိုက်ကစားရမည်ဖြစ်ပြီး၊ ဇန်နဝါရီ (၂၂)ရက်နေ့၌ BG Pathum အသင်း (ထိုင်း) ဆက်လက်ယှဉ်ပြိုင်ကစာရမည်ဖြစ်သကဲ့သို့ ပြည် တွင်း မြန်မယနေရှင်နယ်လိဂ်ပြိုင်ပွဲအတွက် သစ္စာအားမာန်အသင်းနှင့် ရန်ကုန်ယူနိုက်တက်အသင်းတို့ကို ယှဉ်ပြိုင်ကစားသွားရဦးမည်ဖြစ်သည်ဟု ဆို သည်။
၎င်းက “မြန်မာ့ လက်ရွေးစင် အသင်းကနေ ပြန်လာတဲ့ကစားသမား တချို့ကို တောင်ကြီးခရီးစဉ်မှာခေါ်မလာဘဲ တမင် ထားခဲ့တာပါ။ အခု သစ္စာအားမာန်ပွဲ ပြီးရင် ရန်ကုန်ယူနိုက်တက်အသင်းနဲ့ဆက်ကစားရမယ် ” ဟု ပွဲစဉ်ဆက်တိုက်ဖြစ်နေသည့်အပေါ် သူက ထပ်မံပြောကြားထားသည်။
ထို့ပြင် ပွဲစဉ်တိုင်းအတွက်လေးလေးစား စား ယှဉ်ပြိုင်ကစားသွားမည်ဖြစ်ပြီး ၊ ပြည်တွင်း မြန်မာနေရှင်နယ်လိဂ် ပွဲစဉ်များအတွက် တောင်ကြီးကွင်မျက်နှာပြင်အခြေအနေအရ အသင်းအတွက် စိုးရိမ်လျှက်ရှိသည်ဟုလည်း ဖြည့်စွက် ပြောကြားထားသည်။
ရှမ်းယူနိုက်တက် အသင်းသည် မြန်မာ နေရှင်နယ်လိဂ်ပြိုင်ပွဲအတွင်း (၁၄) ပွဲ ကစား ရမှတ် (၄၀) ဖြင့် အဆင့်ရပ်တည်မှု (၁)တွင် ရှိနေသည့် ပြည်တွင်းချန်ပီယံအသင်းတစ်သင်းဖြစ်သည်။