ပေတုံတန်အစိုးရကို “ဖေဖေ့သြဇာခံအစိုးရ” ဟု ထိုင်းသတင်းသမားများက နာမည်ပေး

ဝန်ကြီးချုပ် ပေတုံတန်ရှင်နာဝပ်ထရာ၏ အစိုးရအဖွဲ့ကို ဖေဖေ့ ဩဇာခံအစိုးရ ဟု ထိုင်းသတင်းသမားများက အမည်ပေး ကင်ပွန်းတပ်လိုက်ကြောင်း သိရသည်။

နှစ်စဉ်ပြုလုပ်မြဲဖြစ်သည့် အစဉ်အလာတစ်ရပ်အဖြစ် ပြီးခဲ့သည့်နှစ်က အစိုးရနှင့် ဝန်ကြီးအဖွဲ့ဝင်များအပေါ် လူထုက မည်သို့အမြင်ရှိသည်ဆိုသည်ကို အကဲဖြတ်ရန်နှင့် ၎င်းတို့ကို အမည်ပြောင်များသတ်မှတ်ပေးရန် ဒီဇင်ဘာ ၂၃ ရက်တွင် သတင်းသမားများကို အစိုးရအိမ်တော်၌ တွေ့ဆုံခဲ့သည်။

မစ္စ ပေတုံတန်အတွက် အမည်ပြောင်သည် အစိုးရမဖွဲ့မီကပင် ဖခင်ဖြစ်သူ ဝန်ကြီးချုပ်ဟောင်း သက်ဆင်ရှင်နာဝပ်က သူ၏ အငယ်ဆုံးသမီးအပေါ် ကြီးစွာသော ချစ်ခင်မြတ်နိူးမှု၊ ထောက်ခံပံ့ပိုးမှုတို့ကို ပြသခဲ့သည်ဆိုသည့် လူအများ၏ သဘောထားကို ထင်ဟပ်စေခဲ့သည်။

သက်ဆင်သည် မစ္စ ပေတုံတန် ဝန်ကြီးချုပ်ဖြစ်လာစေရန် လမ်းခင်းပေးထားပြီး ဂရုစိုက်မှု၊ လမ်းညွှန်မှုများပေးခဲ့သည်ဟု သတင်းသမားများက မှတ်ချက်ပြုသည်။

သက်ဆင်၏ သမီးဖြစ်သူအား အကြံညဏ်ပေးသူအဖြစ် ပေါ်ပေါ်ထင်ထင် ပါဝင်ပတ်သက်မှုမှာ အတိတ်က ထိုင်းရတ်ထိုင်းပါတီ ခေါင်းဆောင်ဖြစ်စဉ် သက်ဆင်၏ ဆောင်ပုဒ်ဖြစ်သော “သက်ဆင်အတွေး ထိုင်းရတ်ထိုင်း လက်ရာ” ကို “အဖေ့အတွေး သမီးလုပ်ကွက်” ဟူ၍ ထေ့ငေါ့စရာစကားလုံးဖြစ်စေခဲ့သည်။

အဆိုပါအမည်ပြောင်သည် အစိုးရအဖွဲ့ ဖွဲ့စည်းစဉ်ကာလအတွင်း နိုင်ငံရေးခေါင်းဆောင်များကို သူ၏ Chan Song Lar နေအိမ်တွင် အစည်းအဝေးများလုပ်စေခြင်းဖြင့် ညွန့်ပေါင်းအစိုးရအပေါ် သက်ဆင်၏ သြဇာသက်ရောက်မှုရှိသည်ဆိုသည့် သတင်းများမှလည်း အရင်းခံခဲ့သည်။

Ref: သည်စထရိတ်တိုင်းမ်စ်