မော်လမြိုင်မြို့နယ်၊ စာဖြေဌာနတွင် ၂၀၂၄ ခုနှစ် အစိုးရဓမ္မာစရိယနှင့် ပထမပြန်စာမေးပွဲ အောင်မြင်တော်မူကြသော စာအောင်သံဃာတော်များနှင့် သီလရှင်များအား ဒီဇင်ဘာ လအတွင်း စူဠဘွဲ့နှင်းသဘင်အခမ်းအနားဖြင့် စာအောင်ဆုချီးမြှင့်ပေးရန် မွန်ပြည်နယ်အစိုးရအဖွဲ့မှ ဦးဆောင်၍ စည် ကားသိုက်မြိုက်စွာ ကျင်းပပေးသွားမည်ဖြစ်ကြောင်း သိရသည်။
အဆိုပါ စူဠဘွဲနှင်းသဘင်အခမ်းအနား အောင်မြင်စွာကျ င်းပနိုင်ရေး လုပ်ငန်းညှိနှိင်းအစည်းအဝေးကို ယမန်နေ့ မွန်းလွဲပိုင်းက မော်လမြိုင်မြို့၊ ပြည်နယ်အစိုးရအဖွဲ့ရုံး အောင်ဆန်းခန်းမ၌ ကျင်းပပြုလုပ်ခဲ့ခြင်းဖြစ်ပြီး ပြည်နယ်ဝန်ကြီးချုပ် ဦးအောင်ကြည်သိန်း၊ ပြည်နယ်အစိုးရအဖွဲ့ဝင် ဝန်ကြီးများ၊ လုပ်ငန်းကော်မတီဝင်များနှင့် ဌာနဆိုင်ရာများ တက်ရောက်ခဲ့ကြောင်း သိရသည်။
အစည်းအဝေးတွင် ၂၀၂၄ ခုနှစ်၊ (၄၂)ကြိမ်မြောက် စူဠဘွဲ့ နှင်းသဘင်အခမ်းအနား ကျင်းပရေးဦးစီး ကော်မတီနာယ က၊ ပြည်နယ်ဝန်ကြီးချုပ် ဦးအောင်ကြည်သိန်းက စာမေးပွဲ အောင်မြင်တော်မူသော စာအောင်သံဃာတော်များနှင့် သီလ ရှင်များအား ၂၀၂၄ ခုနှစ်၊ ဒီဇင်ဘာလအတွင်း စူဠဘွဲနှင်းသဘင်အခမ်းအနားဖြင့် စာအောင်ဆုချီးမြှင့်ခြင်း ကျင်းပဆောင်ရွက်နိုင်ရန် ယခုနှစ်တွင် စူဠဘွဲ့နှင်းသဘင် အခမ်းအ နားကို မွန်ပြည်နယ်အစိုးရအဖွဲ့၏ဦးဆောင်မှုဖြင့် စည်ကားသိုက်မြိုက်စွာ ကျင်းပဆောင်ရွက်သွားမှာဖြစ်ကြောင်း ပြောကြားခဲ့သည်။
မော်လမြိုင်စာဖြေဌာနမှ ဓမ္မာစရိယစာအောင် သံဃာတော် (၁၉၂) ပါး၊ သီလရှင်(၂)ပါး စုစုပေါင်း (၁၃၁)ပါးနှင့် ပထမ ပြန်စာအောင် သံဃာတော်(၈၀၇)ပါး၊ သီလရှင်(၆၄)ပါး၊ စုစု ပေါင်း (၈၇၁)ပါး၊ နိကာယ်စာအောင် သံဃာတော်(၅၅)ပါး၊ သီလရှင်(၁)ပါး၊ စုစုပေါင်း (၅၆)ပါး၊ တိပိဋကဓရ၊ တိပိဋကကောဝိဒ ရွေးချယ်ရေးစာမေးပွဲတွင် ရေးဖြေ(၂)ပုံအောင် ဆ ရာတော်(၁)ပါး အပါအဝင် စာအောင်သံဃာတော်နှင့် သီလ ရှင်စုစုပေါင်း (၁၀၅၉)ပါး စာအောင်မြင်ခဲ့ကြောင်း သိရသ ည်။
ထို့ကြောင့် စာအောင်ဆုများကို စူဠဘွဲနှင်းသဘင် အခမ်းအ နားဖြင့် မော်လမြိုင်မြို့နယ်၊ လှိုင်ရပ်ကွက်၊ ပရိယတ္တိဓမ္မဗိမာ န်တော်ကြီး၌ အောင်မြင်စွာကျင်းပနိုင်ရေး ကြိုတင်စီစဉ်ဆောင်ရွက်သွားရန် လိုအပ်မည်ဖြစ်ကြောင်း ၎င်းက ဆိုသ ည်။
အဆိုပါ (၄၂)ကြိမ်မြောက် စူဠဘွဲ့နှင်းသဘင်အခမ်းအနားကို အောင်မြင်စွာ ကျင်းပပြုလုပ်နိုင်ရေး ကျင်းပရေးဦးစီးကော် မတီနှင့် လုပ်ငန်းကော်မတီအသီးသီးကိုလည်း ဖွဲ့စည်းတာဝ န်ပေးအပ်ထားပြီးဖြစ်ကြောင်း သိရသည်။