မြန်မာနိုင်ငံမြေငလျင်သတင်းစင်တာက ယမန်နေ့ ငလျင်သတိပေးချက် ထုတ်ပြန်ပြီးနောက် ယနေ့တွင် မော်လိုက်မြို့အနီး ၄ ဒဿမ ၇ အဆင့်ရှိ အင်အားအသင့်အတင့်ရှိ မြေငလျင်တစ်ခု လှုပ်ခတ်သွားကြောင်း သိရသည်။
ယနေ့ ဒီဇင်ဘာ (၁၁)ရက် မြန်မာစံတော်ချိန် (၇)နာရီ (၅၅) မိနစ်အချိန်စစ်ကိုင်း တိုင်းဒေသကြီးတောင်ပိုင်း၊ ကလေးဝအရှေ့မြောက်ဘက်၊ မော်လိုက်အရှေ့တောင် (၁၅) မိုင်ခန့်အကွာ ကဘော်ပြတ်ရွေ့ကြောတစ်နေရာ တောင်တန်းဒေသအောက် (၆၂) မိုင်မှ မဂ္ဂနီကျု ၄ဒဿ၎င်း ၇ အဆင့်ရှိ မြေငလျင်တစ်ခု လှုပ်ရှားသွားကြောင်း မြန်မာနိုင်ငံမြေငလျင်သတင်းစင်တာက အသိပေးထားသည်။
မြန်မာနိုင်ငံမြေငလျင်သတင်းစင်တာ၏ ယမန်နေ့အသိပေးထုတ်ပြန်ချက်အရ (၃၆) နာရီဝန်းကျင် ပြည်တွင်း၌ အားအသင့်အတင့်ရှိ မြေငလျင် လှုပ်ခတ်မှု သတိပေးပြီးနောက် လှုပ်ခတ်ခဲ့ခြင်းလည်းဖြစ်သည်။
ယခုလ ဒီဇင်ဘာ (၉)ရက်၌ ရှမ်းမြောက်ပိုင်း မူဆယ်၊ ကွတ်ခိုင်နှင့် နမ့်ခမ်းမြို့တို့တွင် နံနက် (၃) နာရီခွဲဝန်းကျင်မှ (၄)နာရီအထိကို (၆)ကြိမ်၊ (၈)နာရီခွဲဝန်းကျင်အချိန်၌ (၁)ကြိမ် စုစုပေါင်း (၇)ကြိမ် ၄ဒဿမ ၅ အဆင့်ရှိ မြေငလျင် လှုပ်ခတ်ခဲ့သေးသည်။