ဝါရှင်တန်၊နိုဝင်ဘာ ၂၈
ရွေးကောက်ခံသမ္မတဒေါ်နယ်ထရမ့်ပ်၏ အစိုးရဝန်ကြီးလောင်းများအဖြစ်လျာထားခြင်းခံရသူအချို့သည် ခြိမ်းခြောက်ခံနေရကြောင်းသိရသည်။
ယင်းသို့ခြိမ်းခြောက်မှုများသည် အင်္ဂါနေ့ညပိုင်းနှင့် ဗုဒ္ဓဟူးနေ့မနက်ပိုင်းများတွင် ဖြစ်ပေါ်ခဲ့ခြင်းဖြစ်ပြီး ခြိမ်းခြောက်ခံရသူ ဝန်ကြီးလောင်းများ၏လုံခြုံရေးကို အထူးအလေးထားဆောင်ရွက်နေသည်ဟုလည်း ပြောရေးဆိုခွင့်ရှိသူတစ်ဦးကပြောကြားခဲ့သည်။
ကုလသမဂ္ဂဆိုင်ရာ အမေရိကန် အမြဲတမ်းကိုယ်စားလှယ်အဖြစ်ရွေးချယ်ခံထားရသည့် ရီပတ်ဘလစ်ကန်မှ Elise Stefanik နှင့် သဘာဝပတ်ဝန်းကျင်ကာကွယ်ရေး အေဂျင်စီကိုဦးဆောင်မည့် ရီပတ်ဘလီကန် ကွန်ဂရက်လွှတ်တော်အမတ်ဟောင်း Lee Zeldin က ၎င်းတို့နှစ်ဦးစလုံးသည် ခြိမ်းခြောက်မှု၏ပစ်မှတ်များဖြစ်ခဲ့သည်ဟုဆိုခဲ့သည်။
ဗုဒ္ဓဟူးနေ့ညနေပိုင်းတွင်မူ ကာကွယ်ရေးဝန်ကြီးအဖြစ် ထရမ့်ပ်၏ရွေးချယ်ခံထားရသူ Pete Hegseth ကလည်း ၎င်းတို့မိသားစုသည်ပစ်မှတ်များထဲတွင်ပါဝင်ခဲ့ကြောင်းပြောကြားခဲ့သည်။
ယခုခြိမ်းခြောက်မှုများနှင့်ပတ်သက်၍ အိမ်ဖြူတော်ကလည်း ရှုံ့ချကြောင်း သမ္မတဘိုင်ဒင်နှင့် ၎င်း၏အစိုးရအဖွဲ့ဝင်များက ထုတ်ပြန်ကြေငြာခဲ့ကြသည်။
ထရမ့်ပ်အစိုးရ ဝန်ကြီးလောင်းများခြိမ်းခြောက်ခံရသောဖြစ်ရပ်သည် ရွေးကောက်ပွဲ မဲဆွယ်ကာလအတွင်း သမ္မတလောင်းထရမ့်ပ်ကိုယ်တိုင် ပင်ဆယ်ဗေးနီးယားနှင့်ဖလော်ရီဒါတို့၌ လုပ်ကြံခံရပြီးနောက် ဖြစ်ပေါ်လာခြင်းဖြစ်သည်။
Source : ဖရန့်စ်24