ကိုလံဘို၊နိုဝင်ဘာ ၂၆
တရုတ်ကွန်မြူနစ်ပါတီ၏ နိုင်ငံတကာရေးရာဌာနမှ ဒုတိယအကြီးအကဲ မစ္စတာ Sun Haiyan ဦးဆောင်သောကိုယ်စားလှယ်အဖွဲ့သည် သီရိလင်္ကာနိုင်ငံသို့ နိုဝင်ဘာ ၂၃ ရက်မှ ၂၆ ရက်နေ့အထိ သွားရောက်ခဲ့ကြောင်းသိရသည်။
အဆိုပါခရီးစဉ်အတွင်း တရုတ်ကိုယ်စားလှယ်အဖွဲ့သည် သီရိလင်္ကာသမ္မတနှင့်ဝန်ကြီးချုပ်တို့အပြင် အာဏာရပါတီနှင့်အတိုက်အခံပါတီများ၏ အဓိကခေါင်းဆောင်များ၊ လွှတ်တော်ကိုယ်စားလှယ်များနှင့်ပါ တွေ့ဆုံခဲ့သည်ဟုလည်းသိရသည်။
တွေ့ဆုံမှုတွင် ကိုယ်စားလှယ်အဖွဲ့က အကြိမ် ၂၀ မြောက် တရုတ်ကွန်မြူနစ်ပါတီဗဟိုကော်မတီ၏ တတိယအကြိမ်မြောက်မျက်နှာစုံညီအစည်းအဝေး၏သဘောထားများနှင့်ပတ်သက်၍ ရှင်းလင်းပြောကြားခဲ့ပြီး နှစ်ဖက်ဆက်ဆံရေး ကိုမြှင့်တင်ရန်အလေးပေးပြောကြားခဲ့ကြသည်။
သီရိလင်္ကာဘက်ကလည်း တရုတ်နိုင်ငံနှင့်ချစ်ကြည်ရင်းနှီးမှုမူဝါဒအတိုင်း နှစ်ဖက်ဆက်ဆံရေးကိုအရှိန်မြှင့်ဆောင်ရွက်ကာ နယ်ပယ်အသီးသီး၌ ပူးပေါင်းဆောင်ရွက်မှုများကို တိုးမြှင့်လုပ်ဆောင်လျက် တရုတ် – သီရိလင်္ကာဆက်ဆံရေးဖွံ့ဖြိုးတိုးတက်စေရန် ကတိပြုပြောကြားခဲ့သည်။
Source : ရှင်းဟွာ