ဗီယန်ကျင်း၊နိုဝင်ဘာ ၂၁
၁၄ ကြိမ်မြောက် တရုတ်-အာဆီယံ ကာကွယ်ရေးဝန်ကြီးများ အလွတ်သဘောအစည်းအဝေးကို လာအိုနိုင်ငံ၊ဗီယန်ကျင်း၌ ကျင်းပပြုလုပ်ခဲ့ကြောင်းသိရသည်။
အဆိုပါအစည်းအဝေးကို တရုတ်ကာကွယ်ရေးဝန်ကြီးဒွန်ဂျန်နှင့် လာအိုဒုတိယဝန်ကြီးချုပ်နှင့် နိုဂ်ငံတော်ကာကွယ်ရေးဝန်ကြီးဖြစ်သည့် Chansamone Chanyalath တို့က ပူးတွဲသဘာပတိအဖြစ်ဆောင်ရွက်ခဲ့ကြပြီး လာအိုသည် ၂၀၂၄ ခုနှစ်အတွက် အရှေ့တောင်အာရှနိုင်ငံများအသင်း (အာဆီယံ) ၏ အလှည့်ကျဥက္ကဋ္ဌလည်းဖြစ်သည်။
မကြာသေးမီနှစ်များအတွင်း နှစ်ဘက်ခေါင်းဆောင်များ၏ အရေးပါသောလမ်းညွှန်မှုဖြင့် တရုတ်-အာဆီယံ လုံခြုံရေးပူးပေါင်းဆောင်ရွက်မှုသည် အပြန်အလှန်အကျိုးဖြစ်ထွန်းစေရုံသာမက ဒေသတွင်းနှင့်ကမ္ဘာကိုပါ ကြီးမားစွာအကျိုးပြုခဲ့ကြောင်း၎င်းပြောကြားခဲ့သည်။
နိုင်ငံတကာအခင်းအကျင်းများက မည်သို့ပင်ပြောင်းလဲလာစေကာမူ တရုတ်နိုင်ငံအနေဖြင့် အာဆီယံနှင့်စည်းလုံးညီညွတ်မှု၊အပြန်အလှန်ယုံကြည်မှုကိုမြှင့်တင်ကာ လက်တွေ့ကျသောပူးပေါင်းဆောင်ရွက်မှုကိုတိုးမြှင့်ဆောင်ရွက်သွားမည်ဟုလည်းတရုတ်ကာကွယ်ရေးဝန်ကြီးကပြောကြားခဲ့သည်။
အာဆီယံနိုင်ငံများ၏ကာကွယ်ရေးဦးစီးချုပ်ရုံးများမှ အကြီးအကဲများသည် တရုတ်၊အာဆီယံဆက်ဆံရေး ဖွံ့ဖြိုးတိုးတက်မှုကို အလေးအနက်ကတိပြုပြောကြားခဲ့ကြပြီး ဒေသတွင်းပူးပေါင်းဆောင်ရွက်မှု၊ငြိမ်းချမ်းရေးနှင့်ရေရှည်တည်တံ့သောဖွံ့ဖြိုးတိုးတက်မှုတို့အတွက် အခိုင်အမာကတိပြုခဲ့ကြသည်။
Source : ရှင်းဟွာ